نيدەرلاند كورولدىگىنىڭ استاناسىندا 30 قازان كۇنى الماتى قالاسى مۋزەيلەر بىرلەستىگىنىڭ «ءداستۇر ساباقتاستىعى: اتا-بابا مۇراسى» اتتى كورمەسى اشىلدى. ءىس-شاراعا ديپلوماتيالىق كورپۋس وكىلدەرى، حالىقارالىق جانە قوعامدىق ۇيىمداردىڭ باسشىلارى، مادەنيەت جانە ونەر قايراتكەرلەرى، سونداي-اق بۇقارالىق اقپارات قۇرالدارىنىڭ وكىلدەرى قاتىستى.
كورمە الماتى قالاسى اكىمدىگىنىڭ، قازاقستان رەسپۋبليكاسىنىڭ نيدەرلاند كورولدىگىندەگى ەلشىلىگىنىڭ، تۇركيا رەسپۋبليكاسىنىڭ نيدەرلاند كورولدىگىندەگى ەلشىلىگىنىڭ جانە يۋنۋس ەمرە ينستيتۋتىنىڭ قولداۋىمەن ۇيىمداستىرىلدى. بۇل قازاق حالقىنىڭ باي مادەني مۇراسىن پاش ەتەتىن ماڭىزدى مادەني وقيعا.
بەس تاقىرىپتىق بولىمنەن تۇراتىن ەكسپوزيسيا الماتى قالاسى مۋزەيلەر بىرلەستىگىنىڭ قورىنان الىنعان 70-تەن استام بىرەگەي جادىگەردى ۇسىنادى. ولاردىڭ قاتارىندا قازاق حالقىنىڭ تۇرمىس-تىرشىلىگى مەن داستۇرلەرىنەن سىر شەرتەتىن ەتنوگرافيالىق ارتەفاكتىلەر، ساندىك-قولدانبالى ونەر تۋىندىلارى، سونداي-اق قازاق جانە تۇركى حالىقتارىنىڭ مۋزىكالىق اسپاپتارى بار.
ايتا كەتەيىك، قازاقستان رەسپۋبليكاسى مەن نيدەرلاند كورولدىگى اراسىنداعى ديپلوماتيالىق قاتىناس 1992 جىلى 10 قىركۇيەكتە ورناعان.
يۋنۋس ەمرە ينستيتۋتىنداعى بۇل كورمە 2025 جىلى 14 قاراشاعا دەيىن جالعاسادى.