قىركۇيەك ايىندا رەسپۋبليكانىڭ باسىم بولىگىندە اۋا رايى سالقىن جانە جاۋىن-شاشىندى بولادى دەپ بولجانىپ وتىر، تەك رەسپۋبليكانىڭ باتىسىندا قىركۇيەكتىڭ باسىندا اۋا رايى نەگىزىنەن جاۋىن-شاشىنسىز بولادى، – دەپ حابارلايدى aqshamnews.kz.
قازگيدرومەت سينوپتيكتەرىنىڭ بولجامى بويىنشا، قىركۇيەكتە رەسپۋبليكانىڭ سولتۇستىك جارتىسىندا جاۋىن-شاشىن اي بويى ءجيى جاۋادى، ءۇزىلىس 1-3 كۇنگە سوزىلادى. كەي كۇندەرى رەسپۋبليكا بويىنشا قاتتى جاڭبىر جاۋىپ، نايزاعاي، بۇرشاق، ەكپىندى جەل بولادى. ەلىمىزدىڭ سولتۇستىك جارتىسىندا ءجيى تۇمان تۇسەدى.
قىركۇيەكتىڭ ءبىرىنشى ونكۇندىگىندە اۋا تەمپەراتۋراسى: رەسپۋبليكانىڭ باتىسىندا تۇندە +8+15°س، كۇندىز +23+30°س؛ رەسپۋبليكانىڭ وڭتۇستىك-باتىسىندا تۇندە +17+25°س، كۇندىز +28+35°س، تەك كەي كۇندەرى اۋا تەمپەراتۋراسىنىڭ شامالى تومەندەۋى بايقالادى؛ اقتوبە وبلىسىندا اۋا تەمپەراتۋراسى تۇندە +3+10°س-تان +10+15°س-قا دەيىن، كۇندىز +17+25°س-تان +22+27°س-قا دەيىن؛ قوستاناي وبلىسىندا تۇندە +2+7°س-تان، توپىراق بەتىندە ۇسىك بولۋى ىقتيمال، +8+13°س-قا دەيىن، كۇندىز +10+18°س-تان +17+25°س-قا دەيىن اۋىتقيدى دەپ بولجانىپ وتىر.
قازاقستاننىڭ سولتۇستىك جانە ورتالىق وبلىستارىندا تۇندە +2+10°س دەيىن، توپىراق بەتىندە 2° ۇسىك بولۋى مۇمكىن، كۇندىز +8+15°س دەيىن سۋىتادى. ونكۇندىكتىڭ سوڭىندا اۋا تەمپەراتۋراسى شامالى جوعارىلاۋى مۇمكىن.
رەسپۋبليكانىڭ شىعىسىندا اۋا تەمپەراتۋراسى تۇندە +8+16°س-تان +2+7°س-قا دەيىن، ونكۇندىكتىڭ ەكىنشى جارتىسىندا ۇسىك بولۋى مۇمكىن، كۇندىز +12+23°س-تان +17+25°س-قا دەيىن اۋىتقيدى؛
رەسپۋبليكانىڭ وڭتۇستىگى مەن وڭتۇستىك-شىعىسىندا كۇندىزگى اۋا تەمپەراتۋراسى +22+30°C-تان +17+23°C-قا دەيىن اۋىتقيدى دەپ بولجانادى.
قىركۇيەكتىڭ ەكىنشى جانە ءۇشىنشى ونكۇندىگىندە رەسپۋبليكانىڭ سولتۇستىگىندە، ورتالىعىندا جانە شىعىسىندا تۇندە اۋا تەمپەراتۋراسى +3+8°س، كەي كۇندەرى ۇسىك بولۋى ىقتيمال، كۇندىز اۋا تەمپەراتۋراسى +12+19°س-تان +21+26°-قا دەيىن اۋىتقيدى؛
رەسپۋبليكانىڭ باتىس جانە وڭتۇستىك وبلىستارىندا اۋا تەمپەراتۋراسى تۇندە +7+15°س بولادى دەپ بولجانىپ وتىر. توپىراق بەتىندە ۇسىك بولۋى مۇمكىن، كۇندىز +25+35°س-تان +15+23°C-قا دەيىن اۋىتقيدى.
ءۇشىنشى ونكۇندىكتە سولتۇستىك، ورتالىق جانە شىعىس وبلىستاردا جاڭبىردىڭ سوڭى قارعا اينالۋى مۇمكىن.
بۇل بولجام كونسۋلتاتيۆتىك بولىپ سانالادى. ونى ناقتىلاۋ ءۇشىن ونكۇندىك جانە اپتالىق بولجامدار شىعارىلادى.