قازاقستاندا قارۋلى كۇشتەردىڭ بەدەلىن ارتتىرۋعا جانە جاستاردى مەرزىمدى قىزمەت وتكەرۋگە ىنتالاندىرۋعا باعىتتالعان جوبانى ىسكە اسىرۋ جالعاسۋدا.
ءۇش مىڭنان استام مەملەكەتتىك ءبىلىم بەرۋ گرانتتارى، ونىڭ ىشىندە ەكى مىڭنان استامى –"كوكتەم-2024"، مىڭنان استامى – "كۇز-2024" اسكەرگە الىنىپ، 2025 جىلى قىزمەتىن اياقتاعان ازاماتتارعا بەرىلدى، - دەپ حابارلايدى Aqshamnews.kz.
اسكەردەن بوساتىلعاننان كەيىن ەكى جىل ىشىندە قازاقستاندىقتار ازاماتتىق جانە اسكەري جوعارى وقۋ ورىندارىنا ۇبت تاپسىرۋسىز اقىلى نەگىزدە وقۋعا تۇسە الادى. ودان وزگە كونكۋرستىق ىرىكتەۋدەن ءساتتى وتكەن Sarbaz 2.0 جوباسىنا قاتىسۋشىلار ءۇشىن مەملەكەت ەسەبىنەن جوعارى ءبىلىم الۋ مۇمكىندىگى قاراستىرىلعان.
گرانتتاردى ءبولۋدىڭ اشىقتىعىن Sarbaz 2.0 اقپاراتتىق جۇيەسى قامتاماسىز ەتەدى. مۇندا جاۋىنگەرلىك دايارلىق كورسەتكىشتەرى، ءتارتىپ جانە ءاربىر اسكەري قىزمەتشىنىڭ تەستىلەۋ ناتيجەلەرى تىركەلەدى. ىرىكتەۋ ناتيجەلەرى پلاتفورمادا جاريالانادى جانە بۇل قاتىسۋشىلارعا ءوز دەرەكتەرىن ءوز بەتىنشە تەكسەرۋگە مۇمكىندىك بەرەدى.
2025 جىلدان باستاپ مەملەكەتتىك گرانت يەگەرلەرىنە قوسىمشا ستيپەنديا، جاتاقحانا جانە اسكەري كافەدرادا كونكۋرستان تىس وقىتۋ سياقتى جەڭىلدىكتەر بەرىلەدى. بۇل وفيسەرلىك قىزمەتكە جول اشادى.
جوبا ىسكە قوسىلعان 2023 جىلدان بەرى مەرزىمدى قىزمەتتەن وتكەن ازاماتتارعا توعىز مىڭنان استام ءبىلىم بەرۋ گرانتى ءبولىندى.
گرانت يەلەنگەن «كۇز-2024» اسكەري قىزمەتشىلەرىنىڭ ءتىزىمىن مىنا سىلتەمە ارقىلى كورە الاسىزدار
https://www.gov.kz/memleket/entities/mod/press/article/details/205311؟lang=kk