كۇنى بويى سەرگەك ءجۇرۋ ءۇشىن نە ىستەۋ كەرەك؟ نيەۆرولوگ كسەنيا وۆسياننيكوۆا كەڭەس بەردى، - دەپ حابارلايدى aqshamnews.kz ءتىلشىسى "دوكتور پيتەرگە" سىلتەمە جاساپ.
تاڭ سايىن ءبىر ۋاقىتتا تۇرۋ
ەڭ قولايلى ارالىق - 6:00-7:00. بۇل كەزدە سەرگەكتىككە جاۋاپ بەرەتىن كورتيزول دەڭگەيى جوعارى بولادى. ەگەر تاڭعى 8-دەن كەيىن تۇرساڭىز، كۇنى بويى بويكۇيەز بولىپ ءجۇرۋىڭىز مۇمكىن.
ويانعان بويدا جىلى سۋ ءىشۋ
كوفە كەيىن ىشەسىز! اۋەلى ءبىر ستاقان، ءتىپتى جارتى ليترگە دەيىن جىلى سۋ ءىشىڭىز. ليمون مەن ءزىمبىر دە قوسۋعا بولادى. مۇنداي سۋ ءوتتىڭ اعۋىن، اسقازان-ىشەك جولىنىڭ ليمفا جۇيەسىن ىسكە قوسادى. سونداي-اق، سترەسس نەمەسە تىعىز جۇمىس ىرعاعىنان تۋىنداۋى مۇمكىن سپازمداردى بوساتۋعا كومەكتەسەدى.
دۋش قابىلداۋ
سۋ بۇكىل دەنە بويىنشا ليمفا اعىسىن جەدەلدەتىپ، ميكروسيركۋلياسيانى جاقسارتادى جانە تامىرلاردى دارىدەن دە جاقسى "جاتتىقتىرادى".
كۋزنەسوۆ اپپليكاتورىندا تۇرۋ
ءتىستى تازالاپ تۇرعان بىرنەشە مينۋت جەتكىلىكتى. اۋەلى شۇلىقپەن، كەيىن جالاڭاياق تۇرۋعا بولادى.
تاڭعى اس ءىشۋ
تاڭعى اس - راسيوننىڭ ەڭ ماڭىزدى بولىگى. كۇنى بويى قۋات بەرەتىن تاعامداردى تاڭداڭىز. جەدەل دايىندالاتىن "بەس مينۋتتىق" بوتقالار جارامايدى: ولار قانداعى قانتتى كۇرت كوتەرىپ، ارتىنان تەز تۇسىرەدى دە، قارنىڭىز قايتا اشادى.
ادەت قالىپتاستىرۋ
مىسالى، سۇيىكتى مۋزىكاڭىزدى قوسىڭىز، تەرەزە الدىندا بىرنەشە مينۋت تۇرىڭىز جانە ت.ب. وسىنداي جاعىمدى ۇساق‑تۇيەكتەر تاڭعى ۋاقىتتى جاعىمدى ەتەدى.