پاريج پروكۋراتۋراسى لۋۆردەگى توناۋعا قاتىستى پىكىر ءبىلدىردى، - دەپ حابارلايدى aqshamnews.kz ءتىلشىسى Le Figaro-عا سىلتەمە جاساپ.
پروكۋرور لورا بەككونىڭ ايتۋىنشا، قىلمىس تاپسىرىسپەن جاسالعان بولۋى مۇمكىن نەمەسە اقشا جىلىستاتۋ ماقساتىندا ۇيىمداستىرىلعان.
سونداي-اق، شەتەلدىكتەر توناعان بولۋى مۇمكىن دەگەن نۇسقا ايتىلدى. بۇعان دەيىن فرانسيا ءىىم مۇنداي مالىمدەمە ايتقان ەدى.
لۋۆردەگى وقيعا 19 قازان تاڭەرتەڭ بولعان. "ەرەكشە جاعدايلارعا" بايلانىستى مۋزەي ءبىر كۇنگە جابىلىپ، كەلۋشىلەر ەۆاكۋاسيالاندى.
پاريج پروكۋراتۋراسىنىڭ دەرەگى بويىنشا، مىنا زاتتار ۇرلانعان:
- ماري-لۋيزا پاتشايىمنىڭ جيناعىنان القا مەن سىرعالار؛
- ماريا-اماليا پاتشايىمنىڭ (1830–1848) جانە گوللانديالىق گورتەنزيا دە بوگارنە پاتشايىمنىڭ جيناعىنان ءۇش اشەكەي (القا، سىرعا جانە تيارا)؛
- ەۆگەنيا پاتشايىمنىڭ جيناعىنان ءتورت بۇيىم: ەكى بروش، ليفكە تاعىلاتىن بانت جانە تيارا.
TF1 مالىمەتىنشە، مۋزەيدى بىرنەشە ادام سكۋتەرلەرمەن كەلىپ توناعان. ولار مۋزەيدىڭ ءبىر قاسبەتىنە كوتەرىلۋ ءۇشىن اۆتوكوتەرگىشتىڭ باسپالداعىن پايدالانعان. ودان كەيىن تەرەزەلەردى سىندىرىپ، اپوللون گالەرەياسىنداعى بولمەگە كىرىپ، ءبىرقاتار زەرگەرلىك بۇيىمدى الىپ كەتكەن.
وقيعاعا فرانسيا پرەزيدەنتى ەممانيۋەل ماكرون دا پىكىربىلدىرىپ، X جەلىسىندە جازبا جاريالادى:
"ءلۋۆردى توناۋ - ءبىز قاستەرلەيتىن تاريحي مۇراعا قاستاندىق. ءبىز زەرگەرلىك بۇيىمداردى تابامىز، ال قىلمىسكەرلەر سوت الدىندا جاۋاپ بەرەدى"، - دەپ جازدى ول.