پاندەميا كەزىندە ونلاين وقىتۋدى بۇكىل وقۋ ورىندارى كەڭىنەن پايدالاندى. ءۇش-تورت جىل بۇرىن «ونلاين»، «وفلاين» دەگەن تەرمين سوزدەرىن مۇلدەم قولدانبايتىنبىز. ءقازىر ەكى ءسوزىمىزدىڭ بىرىنە اينالعان بۇل تەرميندەر ۇستازدار قاۋىمىنىڭ كۇندەلىكتى قولدانىسىنا ەندى.
ونلاين ساباق، ونلاين جينالىس، ونلاين جۇمىس قىزمەتكەرلەردى اسا ءقاۋىپتى جانە جۇقپالى كوۆيد-19 اۋرۋىنان ساقتادى. وسىنداي زاماناۋي سوڭعى تەحنولوگيالاردىڭ ءارتۇرلى پلاتفورمالارى ۋاقىتىڭدى جوسپارلاۋعا، جۇمىسىڭدى، وقۋىڭدى، قوعامدىق قىزمەت جانە جەكە شارۋالارىڭدى ۇيلەسىمدى تۇردە اتقارۋعا كومەگىن كوپ تيگىزدى. ءبىزدىڭ مەملەكەتىمىز سيفروۆيزاسيانىڭ ۇزدىكسىز دامۋىنىڭ ارقاسىندا بۇل سىناقتان ابىرويمەن شىقتى.
«دەنساۋلىق - باستى بايلىق» دەپ كوۆيدكە قارسى ەكپە العان ۇستازدار مەن ستۋدەنتتەر بيىلعى وقۋ جىلىن وفلاين تۇردە جوعارعى وقۋ ورىندارىندا جۇزدەستى. ماسەلەن، وتاندىق ءبىلىم بەرۋ سالاسىنىڭ كوشباسشىسى ءال-فارابي اتىنداعى قازۇۋ ونلاين مەن وفلاين ساباقتارىن جۇرزگىزۋ ۇستىندە. جۇرگىزىلىپ وتىرعان اۋديتورياداعى وفلاين ساباقتارى بۇكىل سانيتارلىق تالاپتارعا ساي ورىنداۋ ارقىلى وتكىزىلۋدە.
«اشىق» جۇيەسى ارقىلى ۋنيۆەرسيتەتكە كىرىپ، ءبىلىم الىپ جاتقان ستۋدەنتتەردىڭ كوبى كوۆيدكە قارسى ەكپە العان.
الداعى ۋاقىتتا ەلىمىزدە ۆاكسينانىڭ كومەگىمەن كوۆيد-19 دەرتىنەن قۇتىلىپ، ءبىلىم وشاقتارىندا ۇستازدار مەن ستۋدەنتتەردىڭ وفلاين تۇرىندە قاۋىشاتىن كۇن بولاتىنىنا سەنىمىمىز مول.