بۇل تۋرالى ق ر پرەمەر-مينيسترىنىڭ ورىنباسارى رومان سكليار مالىمدەدى.
2025 جىلى قازاقستان حالقى 100 پايىز تازا اۋىز سۋمەن قامتىلادى، دەپ حابارلايدى، almaty-akshamy.kz.
«وتكەن جىلدىڭ قورىتىندىسىندا ەل حالقىنىڭ 94 پايىزى سۋمەن جابدىقتاۋ قىزمەتتەرىمەن قامتاماسىز ەتىلدى. بۇل 17 ملن 700 مىڭ ادامدى قامتيدى. مەملەكەت باسشىسى جۇكتەگەن تاپسىرمالاردى ورىنداۋ ءۇشىن شامامەن 1 ملن 300 مىڭ ازاماتىمىز تۇرىپ جاتقان 1 922 اۋىلدىق ەلدى مەكەنگە ورتالىقتاندىرىلعان سۋمەن جابدىقتاۋ جانە سۋ تازارتۋ جۇيەلەرى سالىناتىن بولادى. وسىلايشا، 2025 جىلعا قاراي ەل حالقى 100 پايىز تازا اۋىز سۋمەن قامتاماسىز ەتىلەدى»، - دەدى ول ۇكىمەت ۇيىندە وتكەن باسپا ءسوز ءماسليحاتىندا.
سونىمەن قاتار ۆيسە-پرەمەر مەملەكەت باسشىسىنىڭ بيىلعى جولداۋىنداعى قالالار مەن اۋىلداردى دامىتۋ تاپسىرماسىن ورىنداۋ ءۇشىن ۇكىمەت قانداي جۇمىستار اتقاراتىندىعىنا توقتالدى.