Nur Otan پارتياسىنىڭ الماتى قالاسى بويىنشا ازىرلەگەن جول كارتاسى اياسىندا 2025 جىلعا دەيىن 15 جاڭا مەكتەپ جانە 25 مەكتەپتىڭ جاپسارلاس قۇرىلىسى سالىنۋى كەرەك. سونىڭ بيىل قۇرىلىسى جۇرگىزىلىپ جاتقان 8 مەكتەپتىڭ جانە جۇمىس ىستەپ تۇرعان 17 مەكتەپتىڭ جاپسارلاس قۇرىلىسى باستالدى، دەپ حابارلايدى almaty-akshamy.kz
وڭىرلىك ءبىلىم جونىندەگى كەڭەستىڭ وتىرىسىندا 17 جاپسارلاس قۇرىلىستىڭ 14ء-ى قىركۇيەك ايىندا دەيىن بەرىلسە، قالعانى جىل اياعىنا دەيىن تاپسىرىلاتىنى ايتىلدى. اتالعان جاپسارلاس قۇرىلىستىڭ بەرىلۋىنەن 8 263 قوسىمشا وقۋشى ورنى قۇرىلادى.
8 مەكتەپتىڭ قۇرىلىسى بويىنشا الماتى قالالىق جايلى ورتا باسقارماسىنىڭ باسشىسى س.نۇراشيەۆتىڭ ايتۋىنشا، پاندەمياعا، ەكونوميكالىق داعدارىسقا جانە قۇرىلىس ماتەريالدارىنىڭ قىمباتتاۋىنا بايلانىستى قۇرىلىسى بيىل اياقتالۋى جوسپارلانعان 8 مەكتەپتىڭ قۇرىلىسىنىڭ اياقتالماۋ ءقاۋپى بار. وسىعان وراي، باسقارما تاراپىنان سمەتالىق قۇجاتتار قايتا ازىرلەنىپ، قوسىمشا قاراجات ءبولۋ تۋرالى مەملەكەتتىك ورگاندارعا ارنايى حات جولدانعان.
كەڭەس مۇشەلەرى ءار نىساننىڭ قۇرىلىس بارىسىنا جەكە توقتالىپ، بيىلعى جىلعا حالىققا بەرگەن ۋادەنى ورىنداۋعا تىرىسۋ كەرەكتىگىن ەسكەرتتى. سونداي-اق، سمەتالىق قۇجات پەن قوسىمشا قاراجات ءبولۋ ماسەلەسى بويىنشا قوعامدىق كەڭەس ءوز تاراپىنان فراكسيا مۇشەلەرىنە، ءتيىستى ورگاندارعا ساۋالناما جولدايتىندىعىن اتاپ ءوتتى.
سونىمەن قاتار، ءبىلىم باسقارماسى بيىلعى جىلى 3 جەكەمەنشىك مەكتەپتەردىڭ ىسكە قوسىلۋى مەن 17 مەكتەپتىڭ جاپسارلاس نىساندارىنىڭ پايدالانۋعا بەرىلەتىنىنە ساي 10 مىڭ قوسىمشا وقۋ ورىندارى پايدالانۋعا بەرىلەتىنىن ايتتى.⠀
وتىرىس بارىسىندا كەڭەس ءتوراعاسى تاكير بالىقبايەۆ بيۋدجەت قاراجاتىنىڭ ءتيىمدى جۇمسالۋىنا ەرەكشە نازار اۋدارۋدى ءتيىستى باسقارما وكىلدەرىنىڭ قاپەرىنە سالدى.
وسى نەگىزدە مەكتەپتەردىڭ ءوتىنىمى بويىنشا، الەۋمەتتىك وسال ساناتتاعى بالالاردى قالا سىرتىنداعى لاگەرلەردە جازعى دەمالىسپەن تەگىن قامتۋعا جەرگىلىكتى بيۋدجەتتەن 270 ملن.تەڭگە ءبولىندى. جوسپارلانعان جالپى قامتۋ شامامەن 3800 بالانى قۇرايتىنى دا ايتىلدى.
كەڭەس وتىرىسىن قورىتىندىلاعان بولات سادىقوۆ جيىن بارىسىندا ماڭىزدى ماسەلەلەردىڭ قارالعانىن اتاپ، ايتىلعان ۇسىنىستاردىڭ ءبىلىم مەن عىلىمدى دامىتۋ جونىندەگى رەسپۋبليكالىق قوعامدىق كەڭەسىنە، قالا ءماسليحاتى جانىنداعى دەپۋتاتتىق فراكسياعا جانە مەملەكەتتىك ورگاندارعا ءتيىستى شەشىم شىعارۋ ءۇشىن جولداناتىنىن مالىمدەدى.