اqshamnews.kz رەداكسياسى "كۇن سانى" ايدارىندا اپتانىڭ ەڭ ماڭىزدى دەرەكتەرىنە شولۋ جاسادى.
قازاقستان - تمد-داعى ەڭ بەيبىتسۇيگىش مەملەكەت
Global Peace Index بايانداماسىنىڭ مالىمەتىنشە، بەيبىتسۇيگىش ەلدەر رەيتينگىندە قازاقستان 163 ەلدىڭ ىشىندە 56-ورىنعا جايعاستى.
بايانداما اۆتورلارىنىڭ نۇسقاسى بويىنشا، ءبىر جىل ىشىندە رەيتينگتە بەس ساتىعا كوتەرىلگەن قازاقستان – تمد-داعى ەڭ بەيبىت ەل. قازاقستانعا ەڭ جاقىن ورنالاسقاندار - ارمەنيا (58-ورىن)، مولدوۆا مەن وزبەكستان (تيىسىنشە 66 جانە 67-ورىن).
قازاقستاندىق ستۋدەنتتەر III تۇركى ۋنيۆەرسياداسىندا 23 مەدال جەڭىپ الدى
قىرعىز رەسپۋبليكاسىنىڭ چولپون-اتا قالاسىندا جوعارى وقۋ ورىندارى ستۋدەنتتەرى اراسىندا III تۇركى ۋنيۆەرسياداسى ءوتتى. ۋنيۆەرسياداعا تۇركى مەملەكەتتەرى ۇيىمىنا مۇشە ەلدەردىڭ ستۋدەنت-سپورتشىلارى قاتىستى. جارىس ۆولەيبول، فۋتزال، ۇستەل تەننيسى، شاحمات، دزيۋدو، ەركىن كۇرەس جانە گرەك-ريم كۇرەسى سياقتى 7 سپورت ءتۇرى بويىنشا وتەدى.
الماتىداعى وتباسىلار سانى
ۇلتتىق ستاتيستيكا بيۋروسىنىڭ مالىمەتىنشە، بيىل ماۋسىمدا 870 نەكە قيىلعان. ال جىل باسىنان بەرى 4421 جۇپ رەسمي تۇردە شاڭىراق كوتەرگەن.
بيىلعى ستاتيستيكا:
- قاڭتار - 634؛
- اقپان - 737؛
- ناۋرىز - 677؛
- ءساۋىر - 751؛
- مامىر - 752؛
- ماۋسىم - 870.
ايتا كەتەيىك، جىل باسىنان بەرى جالپى رەسپۋبليكا بويىنشا 51370 جۇپ نەكەگە تۇرعان.
كەيىنگى جىلداردى سارالاساق:
- 2023 جىلى - 13074
- 2024 جىلى - 10787 جۇپ ۇيلەنگەن.
الماتىدا العاش رەت وتباسىن قۇرعانداردىڭ ورتاشا جاسى قانداي؟
- ەرلەر - 28؛
- ايەلدەر - 26.
سونداي-اق، قالادا وتباسىن قۇرعانىنا 20 جىلدان اسقان 557 جانۇيا بار.