ءقازىر ەرلەر 63 جاستا زەينەتكە شىعادى. ايەلدەر ءۇشىن زەينەت جاسى 61 بولىپ بەكىتىلگەن. بۇل كورسەتكىش 2028 جىلعا دەيىن وزگەرمەيدى. 2031 جىلدان باستاپ زەينەتكەرلىك جاس 63 جاسقا جەتەدى.
جالپى 35 جاستا زەينەتكە شىعۋ مۇمكىن بە؟ ول ءۇشىن نە ىستەۋ كەرەك؟ اqshamnews.kz ءتىلشىسى انىقتاپ كوردى.
كىمدەر زەينەتكە ەرتە شىعا الادى؟
زاڭدا جالپى تارتىپتەن بولەك جەڭىلدىكتەر بار:
- كوپبالالى انالار - بەس جانە ودان دا كوپ بالانى سەگىز جاسقا دەيىن وسىرگەن ايەلدەر 53 جاستا زەينەتكە شىعا الادى.
- زياندى وندىرىستە جۇمىس ىستەيتىندەر - ەگەر جەتى جىل جانە ودان كوپ جۇمىس ىستەسە جانە ولاردىڭ پايداسىنا ارنايى كاسىبي زەينەتاقى جارنالارى تولەنسە، 55 جاستان باستاپ الەۋمەتتىك تولەمدەر الا الادى.
- زەينەت اننۋيتەتى - ەنپف-تا جەتكىلىكتى قاراجاتى بارلار ءۇشىن ەرلەر 55 جاستان، ايەلدەر 53 جاستان باستاپ زەينەتكە شىعۋعا مۇمكىندىك بار. بۇل ءۇشىن جيناق سوماسى ءومىر بويى تولەم جاساۋعا جەتۋى كەرەك.
- كۇشتىك قۇرىلىم قىزمەتكەرلەرى - ولاردىڭ زەينەتاقىسى ەڭبەك وتىلىنە بايلانىستى ەسەپتەلەدى، ءار مەكەمەنىڭ ءوز ەرەجەسى بار.
ال 35 جاستا زەينەتكە شىعۋ مۇمكىن بە؟
قازاقستاندا رەسمي تۇردە 35 جاستا زەينەتكە شىعۋ مۇمكىن ەمەس. ەڭ تومەنگى شەك – ايەلدەر ءۇشىن 53 جاس، ەرلەر ءۇشىن 55 جاس. ال بۇل جاستان باستاپ بەيرەسمي زەينەتاقى الۋ ءۇشىن نە ىستەۋ كەرەك؟
1. زەينەتاقى قور قۇرۋ كەرەك
مەملەكەتتىك جيناقتاۋشى جۇيەگە سۇيەنىپ قانا وتىرساڭىز، 45-تە زەينەتكە شىعۋ ارمان بولىپ قالادى. سوندىقتان جەكە ينۆەستيسيالىق پورتفەل جيناعان دۇرىس:
-
جەكە زەينەتاقى شوتىن اشۋ (Unit-linked پوليستەر نەمەسە جەكە بروكەرلىك شوت)؛
-
تۇراقتى سالىم جاساۋ – اي سايىن تابىستىڭ كەم دەگەندە 30–50%-ىن جيناۋ؛
-
كوپ ۆاليۋتالى پورتفەل اشۋ: تەڭگە، دوللار، التىن، اكسيا، وبليگاسيا.
2. ينۆەستيسيانى ەرتە باستاۋ
25 جاستان باستاپ اي سايىن $500 (شامامەن 250 مىڭ تەڭگە) جيناپ، ورتا ەسەپپەن جىلىنا 10% تابىس تاباتىن ينۆەستيسياعا سالساڭىز، 20 جىلدا شامامەن 350–400 مىڭ دوللار (190–200 ملن تەڭگە) جيناۋعا بولادى. بۇل - قازاقستاندا قارجىلاي تاۋەلسىز بولۋعا جەتكىلىكتى سوما.
3. تابىستى كوبەيتۋ جانە پاسسيۆ كىرىس
ەرتە زەينەتكە شىعۋ ءۇشىن تەك ۇنەمدەۋ جەتكىلىكسىز:
-
قوسىمشا تابىس كوزدەرى (فريلانس، جەكە بيزنەس)؛
-
ينۆەستيسيادان ديۆيدەند الۋ؛
-
جىلجىمايتىن مۇلىك نەمەسە ونلاين جوبالاردان تۇراقتى پاسسيۆ كىرىس قالىپتاستىرۋ كەرەك.
4. FIRE قاعيداسىن قولدانۋ
FIRE (Financial Independence، Retire Early) – “قارجىلاي تاۋەلسىز ءارى زەينەتكە ەرتە شىعۋ” فيلوسوفياسى. ونىڭ نەگىزگى ەرەجەسى:
-
جىلدىق شىعىنىڭنان 25 ەسە كوپ كاپيتال جيناساڭىز، زەينەتكە شىعا الاسىز.
مىسالى: اي سايىنعى شىعىنىڭىز 500 مىڭ تەڭگە بولسا، دەمەك جىلىنا 6 ملن تەڭگە. ونى 25-كە كوبەيتسەڭىز، دەمەك 150 ملن تەڭگە كەرەك.
35 جاستا زەينەتكە شىعۋ ءۇشىن قازىردەن باستاپ تابىستىڭ جارتىسىنا جۋىعىن جيناپ، ينۆەستيسيانى ۇيرەنىپ، شىعىندى قاتاڭ باقىلاۋعا الۋ كەرەك. بۇل – باتىل، ءبىراق قولدان كەلەتىن مۇمكىندىك. ەگەر ەرتە باستاساڭىز، 20 جىلدان كەيىن ءوز قالاۋىڭىزشا ءومىر سۇرە الاسىز.