كوكتەمگى ناۋرىز مەرەكەسى قارساڭىندا الماتى قالاسىندا دومبىراشىلاردىڭ «كۇي كۇمبىرى» رەسپۋبليكالىق چەللەندجى ءوتتى
الماتىدا ناۋرىز مەرەكەسى قارساڭىندا تۇركسىب اۋدانىندا ساۋرانبايەۆ كوشەسىندەگى جاياۋ جۇرگىنشىلەر ايماعىندا دومبىراشىلاردىڭ «كۇي كۇمبىرى» رەسپۋبليكالىق چەللەندجى ءوتتى
مەرەكەلىك الاڭدا مەكتەردىڭ، گيمنازيالاردىڭ، شىعارماشىلىق ۇيلەردىڭ 600 وقۋشىسى، 70 پەداگوگ جانە 20 اتا-انا ورىنداعان دومبىرا ءۇنى كۇمبىرلەدى. وركەسترگە ديريجەر، قازاقستان رەسپۋبليكاسىنىڭ ەڭبەك سىڭىرگەن ونەر قايراتكەرى، پروفەسسور ۇكىباي دۇيسەن جەتەكشىلىك جاسادى. دومبىراشىلار قۇرمانعازىنىڭ «بالبىراۋىن»، «اداي»، «سارىارقا» كۇيلەرىن ورىندادى.
دومبىرا-challenge ماقساتى - جاس ۇرپاقتى پاتريوتتىق سەزىمگە تاربيەلەۋ، ۇلتتىڭ مادەني مۇراسىن ساقتاۋ جانە تاراتۋ، ويىنداردى، ۇلتتىق اسپاپتى ناسيحاتتاۋ.
