وسك كانديداتتاردىڭ الەۋمەتتىك جەلىلەردەگى ۇندەۋىنە قاتىستى پىكىر ءبىلدىردى

سايلاۋ 2023 جىلدىڭ 19 ناۋرىزىندا وتەدى.

ورتالىق سايلاۋ كوميسسياسىنىڭ مۇشەسى كونستانتين پەتروۆ جەكەلەگەن كانديداتتاردىڭ ءوز مۇددەسىن كوزدەۋى تۋرالى ايتتى، دەپ حابارلايدى Almaty-akshamy.kz

"الەۋمەتتىك جەلىدە ءبىرقاتار كانديداتتار ءوز جاقتاستارىنا "سايلاۋشىلار تىزىمىندە تۇرعان جەرىڭىزدەن ەسەپتەن شىعارۋ كۋالىگىن الىپ، باسقا وكرۋگتە ەسەپتەن شىعارۋ كۋالىگىمەن ماعان كەلىپ داۋىس بەرىڭىز" دەپ ۇندەۋ جاساپ جاتىر. جالپى، بۇل مۇمكىن ەمەس ەكەنىن ايتقىم كەلەدى. "سايلاۋ تۋرالى" زاڭنىڭ 41-بابى 6-تارماعىنىڭ 1-ەسكەرتۋىندە باسقا سايلاۋ وكرۋگى بويىنشا داۋىس بەرۋگە نيەت بىلدىرگەندەرگە ەسەپتەن شىعارۋ كۋالىگى بەرىلمەيتىنى ارنايى كورسەتىلگەن. ياعني، تىركەلگەن جانە سايلاۋشىلار تىزىمىنە ەنگىزىلگەن سايلاۋ وكرۋگى بويىنشا عانا داۋىس بەرە الاسىز. ەگەر ءسىز (ەسەپتەن شىعارۋ كۋالىگى – ەسك.) الساڭىز دا، سالىستىرمالى تۇردە ايتقاندا، تۇركىستان وبلىسىندا وسى كۋالىك جارامدى بولاتىن سايلاۋ وكرۋگى شەڭبەرىندە داۋىس بەرە الاسىز. باسقا وبلىسقا بارىپ، ونىمەن داۋىس بەرە المايسىڭ"، - دەدى پەتروۆ.

ورتالىق سايلاۋ كوميسسياسىنىڭ ءتوراعاسى نۇرلان ءابدىروۆ ءوز كەزەگىندە وسى سەنبى، 18 ناۋرىزدا ساعات 18:00-دە قازاقستاندىق سايلاۋشىلارعا ەسەپتەن شىعارۋ كۋالىگىن الۋ مەرزىمى اياقتالاتىنىن ەسكە سالدى.

ق ر پارلامەنتى ءماجىلىسى دەپۋتاتتارىنىڭ كەزەكتەن تىس سايلاۋى 2023 جىلدىڭ 19 ناۋرىزىندا وتەدى. ءماجىلىس سايلاۋىمەن بىرگە بارلىق دەڭگەيدەگى ءماسليحاتتار دەپۋتاتتارىنىڭ سايلاۋى وتەدى.