حالىقارالىق پاراليمپيادا كوميتەتىنىڭ ءۇش جاقتى بيپارت كوميسسياسىنىڭ شەشىمىمەن قازاقستاندىق پارا سپورتشى سيەۆدا الييەۆا پاريج-2024 پاراليمپيادا ويىندارىنىڭ پارا وق اتۋدان ليسەنزيا يەگەرى اتاندى، دەپ حابارلايدى اlmaty-akshamy.kz.
سيەۆدا 10 مەترلىك P2 پنيەۆماتيكالىق تاپانشامەن اتۋ ديسيپليناسىندا ونەر كورسەتەدى. پارا وق اتۋدان بۇل وسىمەن قازاقستاننىڭ ەكىنشى ليسەنزياسى. بۇدان بۇرىن وسى سپورت تۇرىندە العاشقى ليسەنزيانى قازاقستاندىق ەركىن عابباسوۆ الەم كۋبوگىندا پنيەۆماتيكالىق مىلتىقپەن اتۋدان R1 ديسيپليناسىندا جەڭىپ العان بولاتىن. قازىرگى ۋاقىتتا قازاقستاننىڭ پاراليمپيادا ويىندارىندا سپورتتىڭ 8 تۇرىنەن 21 ليسەنزيا بار.
ولاردىڭ ىشىندە: پارا پاۋەرليفتينگ (5)،
پارا جەڭىل اتلەتيكا (3)،
پارا ءجۇزۋ (4)،
ۆولەيبولدى وتىرىپ ويناۋ (1)،
پارا ۇستەل تەننيسى (1)،
پارا تاەكۆوندو (3)،
پارا كانوە (2)،
پارا وق اتۋ (2).
XVII جازعى پاريج-2024 پاراليمپيادا ويىندارى 28 تامىز بەن 8 قىركۇيەك ارالىعىندا وتەدى. جارىستا 23 سپورت تۇرىنەن 549 مەدال جيىنتىعى ويناتىلادى.