قالا كوشەلەرىنەن جىرتقىش اڭدى بايقاعاندار بار
شىعىس قازاقستان وبلىسى ريددەر قالاسىنىڭ ءار بولىگىندە ايۋلار كوشە كەزىپ جۇرگەن، دەپ حابارلايدى Almaty-akshamy.kz قازاقپاراتقا سىلتەمە جاساپ.
شقو پوليسيا دەپارتامەنتى باسپا ءسوز قىزمەتىنىڭ مالىمەتىنشە، پوليسياعا حابارلاسقان تۇرعىندار جىرتقىش اڭنىڭ كوشە كەزىپ جۇرگەندىگىن ايتتى.
«بەلگىلى بولعانداي، بىرنەشە ايۋ قىركۇيەك ايىنىڭ باسىندا قالا اۋماعىنا كىرىپ كەتكەن. تۇرعىندار ايۋلاردى پوليەۆوي كوشەسىندەگى №202 جانە №206 ۇيلەردىڭ ماڭىندا جانە پرولەتارسكايا كوشەسىندە بايقاعان. اتالعان فاكت بويىنشا ءتارتىپ ساقشىلارى ءتۇز تاعىلارىنىڭ قايدا ەكەنىن انىقتاۋ ءۇشىن ءتيىستى شارالاردى جۇرگىزگەن. قازىرگى ۋاقىتتا شاھار كوشەلەرىندە ايۋلار جوق»، - دەلىنگەن حابارلامادا.
ۆەدومستۆو وكىلدەرىنىڭ دەرەگىنشە، جىرتقىش اڭدار ەشكىمگە زاردابىن تيگىزبەگەن.