جەتى زاڭنىڭ جانە جوعارعى سوتتىڭ ءبىر نورماتيۆتىك قاۋلىسىنىڭ ەرەجەلەرى كونستيتۋسياعا سايكەس كەلمەيدى دەپ تانىلدى. بۇل تۋرالى پارلامەنت پالاتالارىنىڭ بىرلەسكەن وتىرىسىندا كونستيتۋسيالىق سوت ءتوراعاسى ەلۆيرا ءازىموۆا ايتتى، دەپ حابارلايدى اlmaty-akshamy.kz.
«كونستيتۋسيالىق نورمالاردىڭ ساقتالماۋىنا بايلانىستى جەتى زاڭنىڭ جانە جوعارعى سوتتىڭ ءبىر نورماتيۆتىك قاۋلىسىنىڭ ەرەجەلەرى كونستيتۋسياعا سايكەس كەلمەيدى دەپ تانىلدى»، - دەدى ەلۆيرا ءازىموۆا.
ونىڭ ايتۋىنشا، اتالعان قۇجاتتار مىنالار:
– سالىق كودەكسىنىڭ 610-بابى 2-تارماعى – تالاپ قويۋ ارىزدارىن بەرگەنى ءۇشىن مەملەكەتتىك باجدىڭ بەلگىلەنگەن مولشەرى بولىگىندە جانە اكىمشىلىك تالاپ قويۋ كەزىندە سوت ارقىلى قورعاۋىنا كونستيتۋسيالىق قۇقىققا نۇقسان كەلتىرۋگە جانە شەكتەۋگە اكەپ سوعاتىن ەرەجە (جويىلدى)؛
– مەملەكەتتىك قىزمەت تۋرالى زاڭنىڭ 16-بابى 3-تارماعىنىڭ 6) جانە 14-تارماقشالارىنىڭ، اسكەري قىزمەت جانە اسكەري قىزمەتشىلەردىڭ مارتەبەسى تۋرالى زاڭنىڭ 38-بابى 2-تارماعىنىڭ 11) تارماقشاسىنىڭ، قۇقىق قورعاۋ قىزمەتى تۋرالى زاڭنىڭ 6-بابى 2-تارماعىنىڭ 9) تارماقشاسىنىڭ ەرەجەلەرى – مەملەكەتتىك قىزمەت پەن مەملەكەتتىك باسقارۋ مۇددەلەرىنە قارسى قۇقىق بۇزۋشىلىقتار ءۇشىن تارتىپتىك، اكىمشىلىك جانە قىلمىستىق جاۋاپتىلىق شارالارىنان تۋىندايتىن قۇقىقتىق شەكتەۋلەردىڭ سايكەسسىزدىگىنە بايلانىستى مەملەكەتتىك قىزمەتكە كىرۋگە مەرزىمسىز تىيىم سالۋدى بەلگىلەۋ؛
– سىبايلاس جەمقورلىققا قارسى ءىس-قيمىل تۋرالى زاڭنىڭ 13-بابى – كونستيتۋسيادا بەلگىلەنگەن ماقساتتارعا ناقتى ايقىندالعان قۇقىقتىق بايلانىستىڭ بولماۋىنان كاسىپكەرلىك قىزمەت بوستاندىعىنا كونستيتۋسيالىق قۇقىقتى شەكتەۋدى بەلگىلەۋ؛
– قىلمىستىق-اتقارۋ كودەكسىنىڭ 141-بابىنىڭ ءۇشىنشى، بەسىنشى بولىكتەرى جانە التىنشى بولىگىنىڭ 1) تارماقشاسى – كۇشىنە ەنگەن سوت ۇكىمى نەگىزىندە باس بوستاندىعىنان ايىرۋ جازاسىن وتەپ جاتقان سوتتالعانداردىڭ تۋىستارىمەن قىسقا مەرزىمدى جانە ۇزاق مەرزىمدى كەزدەسۋلەرىنىڭ ءارتۇرلى سانىن بەلگىلەۋ (جويىلدى)؛
– جوعارعى سوتتىڭ №2 نورماتيۆتىك قاۋلىسىنىڭ ەرەجەسى – سوتقا بالا اسىراپ الۋ تۋرالى ارىز بەرگەن كەزدە سوتقا جۇگىنۋگە كونستيتۋسيالىق قۇقىقتى شەكتەيتىن جانە بالانىڭ مۇددەلەرىن بارىنشا قامتاماسىز ەتۋ مەملەكەتىنىڭ مىندەتتەمەسىنە سايكەس كەلمەيتىن مولەكۋليارلىق-گەنەتيكالىق ساراپتامانىڭ قورىتىندىسىن ۇسىنۋ تۋرالى يمپەراتيۆتى تالاپتى بەلگىلەۋ (جويىلدى)؛
– قىلمىستىق ءىس جۇرگىزۋ كودەكسىنىڭ 482-بابىنىڭ ءبىرىنشى بولىگى – قورعاۋشىنىڭ كاسساسيالىق ءىس جۇرگىزۋدە جانە ۇكىمدى ورىنداۋ ساتىسىندا سوتتالعاننىڭ قۇقىقتارى مەن مۇددەلەرىن ءبىلدىرۋ وكىلەتتىگىن شەكتەۋ.
«قازىرگى ۋاقىتتا انىقتالعان قۇقىقتىق قايشىلىقتار ەكى زاڭدا جانە جوعارعى سوتتىڭ نورماتيۆتىك قاۋلىسىندا جويىلدى. مەملەكەتتىك قىزمەتكە جانە ونىڭ ەرەكشە تۇرلەرىنە، سىبايلاس جەمقورلىققا قارسى، سونداي-اق قورعاۋشىنىڭ كاسساسيالىق ىس-جۇرگىزۋدەگى وكىلەتتىگىنە قاتىستى ماسەلەلەر بويىنشا ءتيىستى زاڭ جوبالارى پارلامەنتتە قارالۋدا»، - دەدى كونستيتۋسيالىق سوت ءتوراعاسى.