قازاقستاننىڭ ۇلتتىق دەرەكتەر ورتالىعىنىڭ مالىمەتىنە سايكەس، 21 ماۋسىمدا استانا ۋاقىتىمەن ساعات 07:13-تە قازاقستان مەن قىرعىزستاننىڭ شەكارالاس ايماعىندا جەر سىلكىنىسى تىركەلدى، دەپ حابارلايدى almaty-akshamy.kz
«جەر سىلكىنىسىنىڭ كوورديناتتارى: سولتۇستىك ەندىك 42،48 گرادۋس، شىعىس بويلىق 79،71 گرادۋس. ماگنيتۋداسى MPV – 4»، - دەلىنگەن ورتالىقتىڭ جەدەل حابارلاماسىندا.
قىرعىز اقپارات قۇرالدارىنىڭ مالىمەتىنشە، ماگنيتۋداسى 3،5 باللدىق جەر سىلكىنىسىنىڭ وشاعى اق-سۋۋ اۋدانى ەچكيلي-تاش اۋىلىنان وڭتۇستىك-باتىسقا قاراي 25 شاقىرىم جەردە، ءتۇپ اۋدانى كەڭ-سۋۋ اۋىلىنان وڭتۇستىك-باتىسقا قاراي 32 شاقىرىمدا، جانە قاراكول قالاسىنىڭ باتىسىنان وڭتۇستىكتەن 103 شاقىرىمدا بولعان.
الدىن الا مالىمەت بويىنشا، زارداپ شەككەندەر مەن قيراۋلار جوق.