ءتيىستى زاڭعا پرەزيدەنت قاسىم-جومارت توقايەۆ قول قويدى.
ەلىمىزدە نەسيە بەرۋ ءتارتىبى وزگەردى، دەپ حابارلايدى Almaty-akshamy.kz
ەندى بانك الدىنداعى بەرەشەگىن 90 كۇننەن كەشىكتىرگەندەر قايتا قارىز الا المايدى. ءقازىر ەل ازاماتتارى بانكتەرگە بەلشەدەن قارىز. نەسيە كولەمى جىلدان جىلعا ارتىپ، 17 تريللليون 800 ميلليارد تەڭگەگە جەتتى. ءبىر تريلليونعا جۋىق نەسيە بويىنشا تولەم 90 كۇننەن كەشىكتىرىلگەن.
قارىزعا باتقان حالىقتى قۇتقارىپ، بورىشتىق جۇكتەمەنىڭ ارتۋىنا جول بەرمەۋ ءۇشىن نەسيە بەرۋ تۋرالى ارنايى زاڭ قابىلداندى.
بەرەشەگىن 90 كۇننەن كەشىكتىرىپ جۇرگەندەرگە كەپىلسىز نەسيە بەرۋگە تىيىم سالىنادى. ءارى نەسيەسى بار جىگىتتەر وتان الدىنداعى بورىشىن وتەپ جۇرگەندە جانە دەموبيليزاسيادان كەيىن 2 اي بويى قارىزىنا ءوسىمپۇل ەسەپتەلمەيدى.
ءقازىر ازاماتتار نەسيەسىن تولەمەي جۇرسە، بانكتەر باس قاتىرمايدى. كوللەكتورلىق اگەنتتىكتەرگە بەرە سالادى. ولار كەيىن كليەنتتەن قارىزدى ارتىعىمەن ءوندىرىپ الىپ جاتادى. ەندى مۇندايعا جول جوق.
ازاماتتاردىڭ قارىزىن 2026 جىلدىڭ مامىرىنا دەيىن كوللەكتورلارعا بەرۋگە تىيىم سالىندى. كوللەكتورلارعا نەسيەنى بەرۋ ءتارتىبى قاتايادى. ياعني كليەنت نەسيەسىن 24 اي بويى تولەمەگەن بولىپ، ونىڭ بەرەشەگىنە وڭتايلاندىرۋ جۇرگىزىلگەن بولۋى ءتيىس.
ەگەر ول دا كومەكتەسپەسە، كوللەكتورلارعا بەرۋگە رۇقسات.
بۇدان بولەك، ءقازىر ونلاين نەسيە راسىمدەيتىن الاياقتار قاپتاپ كەتتى. ەندى جاڭا زاڭعا ساي، ميكرو نەسيە الۋ ءۇشىن مىندەتتى تۇردە بيومەتريالىق سايكەستەندىرۋدەن ءوتۋ قاجەت. ءارى ايەلىنىڭ نە كۇيەۋىنىڭ رۇقساتى بولۋى ءتيىس. بۇل نورمانىڭ تەحنيكالىق جاعىنان قالاي ىسكە اساتىنى ءقازىر قارالىپ جاتىر دەيدى ماماندار.
سونداي-اق بۇدان بىلاي نەسيەنى الاياقتاردىڭ راسىمدەگەنى دالەلدەنسە، ول كەشىرىلەدى. زاڭعا پرەزيدەنت قول قويدى. ەندى ول 60 كۇننەن كەيىن كۇشىنە ەنەدى.