روسكومنادزور تانىمال پلاتفورمانى تولىق بۇعاتتاعانىن مالىمدەدى، دەپ حابارلايدى aqshamnews.kz
بۇعاتتاۋعا سەبەپ رەتىندە "ەكسترەميستىك جانە تەرروريستىك ارەكەتتەردى ناسيحاتتاۋ مەن اقتاۋ، زورلىق ارەكەتتەرىن جاساۋعا شاقىرۋ ماتەريالدارىنىڭ كوپ جانە قايتالاناتىن تارالۋى" كورسەتىلدى.
ربك باسىلىمىندا اتاپ وتىلگەندەي، روسكومنادزور بۇعان دەيىن دە پلاتفورمانىڭ "قولايسىز كونتەنتكە" تولى ەكەنىن مالىمدەگەن جانە 2019 جىلدان بەرى قىزمەتكە بىرنەشە رەت شاعىمدار جولدانعان.
Roblox – ەڭ تانىمال ويىن پلاتفورمالارىنىڭ ءبىرى. پلاتفورمانىڭ يدەياسى 2004 جىلى پايدا بولىپ، 2006 جىلى ىسكە قوسىلعان. كۇن سايىنعى بەلسەندى قولدانۋشىلار سانى 151 ملن-نان اسادى. سولاردىڭ جارتىسىنان كوبى 16 جاسقا دەيىنگى بالالار، ال كوبىسى 13 جاسقا دەيىنگى بالالار.
ەسكە سالساق، بۇعان دەيىن سانكت-پەتەربۋرگ تۇرعىنى 22 جاسار جىگىتتىڭ ەنەرگەتيكتى شامادان تىس پايدالانۋ سالدارىنان ءومىرى قاۋىپكە ۇشىراعانى تۋرالى حابارلانعان ەدى. ول تۇنگى كومپيۋتەر ويىندارىنا قىزىعىپ، وياۋ قالۋ ءۇشىن ەنەرگەتيكالىق سۋسىنداردى ىشە باستاعان. العاشىندا كۇنىنە ءبىر بانكا ىشكەن بولسا، ۋاقىت وتە ونىڭ دوزاسى اش قارىنعا 3-5 سۋسىنعا دەيىن جەتكەن.