الماتى قالاسى بويىنشا قىلمىستىق-اتقارۋ جۇيەسى دەپارتامەنتىنە قاراستى №11 مەكەمەدە پرەزيدەنت تاپسىرماسى بويىنشا بەكىتىلگەن ادام قۇقىقتارى جانە زاڭ ۇستەمدىگى سالاسىنداعى ءىس-قيمىل جوسپارىنا ساي سوتتالعانداردى كاسىپتىك دايارلاۋ كۋرستارىن وزەكتەندىرۋ كوزدەلگەن.
جۋىردا «جاڭا الەم گرۋپپ» ءجشس-نىڭ وكىلدەرى مەكەمەدەگى جازاسىن وتەپ جاتقان جاسوسپىرىمدەرگە دانەكەرلەۋ بويىنشا قىسقا مەرزىمدى وقىتۋ كۋرسىن وتكىزدى. وندا وسى كاسىپتىڭ قىر-سىرى ۇيرەتىلدى. تەوريالىق جانە پراكتيكالىق نەگىزدە وتكەن كۋرس ناتيجەسىندە 15 بالاعا وسى ماماندىقتى يگەرگەنى تۋرالى مەملەكەتتىك ۇلگىدەگى كۋالىك بەرىلدى.
– سوتتالعان بالالار جازاسىن وتەپ شىققان سوڭ، وسى سەرتيفيكاتپەن جۇمىسقا ورنالاسىپ، تابىس تاۋىپ، ءومىرىن جاڭا ارناعا بۇرا الادى. مەملەكەت باسشىسى جاريالاعان «جۇمىسشى ماماندىقتار جىلى» وسى سالانىڭ بەدەلىن ارتتىرىپ، تەحنيكالىق جانە كاسىپتىك ءبىلىم بەرۋ جۇيەسىنە جاڭا لەپ اكەلەتىنى ءسوزسىز. ءبىزدىڭ باستى مىندەتىمىز – سوتتالعان بالالاردىڭ وسى مۇمكىندىكتى ءتيىمدى پايدالانۋىنا دانەكەر بولۋ، – دەيدى №11 مەكەمە باسشىسى ادىلەت پولكوۆنيگى ا.سۇلەيمەنوۆ