شىلدەدە استانادا وتەتىن ۇلكەن فەستيۆالدە ەڭ ۇزدىك قىمىز وندىرۋشىلەرگە جالپى قورى 45 ميلليون تەڭگە جۇلدە بەرىلەدى، دەپ حابارلايدى Kazinform.
"19-20 شىلدەدە استاندا بايقىمىز فەستيۆالى وتەدى. وعان قازاقستاننىڭ بارلىق وڭىرىندەگى فەرمەرلەردى شاقىرامىز. قازاق اسحاناسى ەت، باۋىرساق، قۋىرداقپەن شەكتەلمەيدى. باسقا دا الۋان ءتۇرلى تاعامداردى كورسەتەمىز، كەپتىرۋ، قاقتاۋ، ىستاۋ جولدارىن ۇيرەتەمىز. ەڭ ۇزدىك قىمىز وندىرۋشىلەرگە جالپى قورى 45 ميلليون تەڭگە جۇلدە بەرەمىز. وسىلايشا ۇلتتىق سۋسىن وندىرەتىن كاسىپكەرلەردى قولداعىمىز كەلەدى. ءقازىر ءبىز ەتنو جانە گاستروتۋريزمدى دامىتىپ جاتىرمىز. قىمىز ءىشۋ ءۇشىن فرانسيادان، يتاليادان، اۋستراليادان تۋريستەر كەلگەنىن قالايمىز. ويتكەنى قىمىز — حالقىمىزدىڭ قۋاتتى سۋسىنى. ءبىز قىمىزدى جاڭا دەڭگەيگە كوتەرگىمىز كەلەدى. "قىمىز ىشسە، ءىش اۋىرتادى" دەگەن ستەرەوتيپتەردى جويعىمىز كەلەدى. ساپالى قىمىز ەشقاشان اسقازاندى اۋىرتپايدى، كەرىسىنشە دەنساۋلىققا پايدالى بولادى"، − دەدى تانىمال ەتنوگراف، BaiQymyz فەستيۆالىنىڭ ۇيىمداستىرۋشىسى ايگەرىم مۇساعاجينوۆا.
جوبانىڭ باستى ماقساتى — وتاندىق قىمىز وندىرۋشىلەرىنە قولداۋ كورسەتۋ، قازاقتىڭ ءداستۇرلى سۋسىنىن قازىرگى ادامداردىڭ داستارحانىنا قايتا ورالتۋ جانە ونىڭ پايدالى قاسيەتتەرى تۋرالى كەڭ اۋديتورياعا جەتكىزۋ.