كولىك ۆيسە-مينيسترى ءساتجان ابلالييەۆ ۇستالدى. ۇقك شەنەۋنىكتىڭ ۇستالعان ءساتىن جاريالادى، - دەپ حابارلايدى اqshamnews.kz ءتىلشىسى.
"ۇلتتىق قاۋىپسىزدىك كوميتەتىنىڭ سىبايلاس جەمقورلىققا قارسى ءىس-قيمىل قىزمەتى كولىك ۆيسە-مينيسترىن پارا الدى دەگەن كۇدىكپەن ۇستاپ، سوت سانكسياسىمەن قاماۋعا الدى"، - دەلىنگەن حابارلامادا.
ايتا كەتەيىك، ءساتجان ابلالييەۆ 1970 جىلى اتىراۋ وبلىسىندا دۇنيەگە كەلگەن. الماتى كولىك-جول ينستيتۋتى جانە قازاق قاتىناس جولدارى ۋنيۆەرسيتەتىن ءتامامداعان.
ول 2023 جىلعى قازاننان بەرى كولىك ۆيسە-مينيسترى قىزمەتىن اتقارىپ كەلدى. بۇعان دەيىن سولتۇستىك قازاقستان وبلىسى اكىمىنىڭ ورىنباسارى بولدى جانە اۆتوموبيل جولدارى كوميتەتىندە جۇمىس ىستەگەن.