"قازگيدرومەت" استانا تۇرعىندارىنا ەسكەرتۋ جاسادى، - دەپ حابارلايدى Aqshamnews.kz ءتىلشىسى.
"4 تامىزدا اتىراۋ جانە استانا قالالارىندا تۇندە قولايسىز مەتەورولوگيالىق جاعداي بولادى"، – دەلىنگەن حابارلامادا.
انىقتاما: قولايسىز مەتەوجاعدايلار – بۇل جەرگە جاقىن اتموسفەرا قاباتىندا زياندى (لاستايتىن) زاتتاردىڭ جينالۋىنا ىقپال ەتەتىن قىسقا مەرزىمدى مەتەورولوگيالىق فاكتورلاردىڭ (تىنىق اۋا، ءالسىز جەل، تۇمان، ينۆەرسيا) ۇيلەسىمى.
ينۆەرسيا – بۇل جىلى اۋا قاباتى سۋىق اۋانىڭ ۇستىنەن ورنالاسىپ، ونى "جاۋىپ" تۇراتىن اۋا رايى قۇبىلىسى. ادەتتە، جەر بەتىندەگى جىلى اۋا جوعارى كوتەرىلىپ، لاستاۋشى زاتتاردى وزىمەن الىپ كەتەدى. ءبىراق ينۆەرسيا كەزىندە سۋىق اۋا تومەندە قالىپ، سول اۋامەن بىرگە بارلىق گاز، شاڭ مەن ءتۇتىن دە جەر بەتىندە تۇرىپ قالادى. ناتيجەسىندە، اسىرەسە قالالاردا، لاستانۋ كۇشەيەدى.
استاناداعى اۋا رايى
4 تامىزدا ەلوردادا كوشپەلى بۇلتتى اۋا رايى بولادى، جاۋىن-شاشىن كۇتىلمەيدى. جەل سولتۇستىك-شىعىستان سوعادى: تۇندە جىلدامدىعى 3–8 م/س، كۇندىز 9–14 م/س. اۋا تەمپەراتۋراسى تۇندە +9...+11°س، كۇندىز +18...+20°س شاماسىندا بولادى.
قازاقستانداعى تامىزدا اۋا رايى قانداي بولادى؟
بۇعان دەيىن "قازگيدرومەت" سينوپتيكتەرى 2025 جىلعى تامىزعا ارنالعان اۋا رايى بولجامىن ۇسىنعان بولاتىن. جازدىڭ سوڭعى ايى ەلدىڭ باسىم بولىگىندە جىلى بولادى دەپ كۇتىلەدى. الايدا رەسپۋبليكانىڭ وڭتۇستىگى مەن وڭتۇستىك-باتىسىندا اۋا تەمپەراتۋراسى كليماتتىق نورمادان جوعارى بولادى.