الماتىداعى كوكتوبە تەلەمۇناراسى مەن قالانىڭ وزگە دە ماڭىزدى نىساندارى قىزعىلت سارى تۇسكە كومكەرىلدى.
الماتىدا «زورلىق-زومبىلىققا قارسى 16 كۇن» اتتى جاھاندىق اكسيانى قولداۋ ماقساتىندا ءبىرقاتار نىساندارعا جىلى قىزعىلت سارى ءتۇس بەرىلدى.
ءقازىر كوكتوبە تەلەمۇناراسى، Halyk Bank عيماراتى، تۇڭعىش پرەزيدەنت ساياباعى، LED-ەكراندار جانە قالانىڭ بىرنەشە ءىرى ورىندارى قىزعىلت سارى تۇسپەن ارلەنىپ تۇر.
قىزعىلت سارى ءتۇس – جىلىلىقتىڭ، ءۇمىت پەن بىرلىكتىڭ بەلگىسى. ول ءاربىر ادامنىڭ قۇقىعىن قورعاۋدىڭ ماڭىزدىلىعىن جانە زورلىق-زومبىلىقتىڭ كەز كەلگەن تۇرىنە نولدىك توزىمدىلىك قاعيداتىن ەسكە سالادى.
بۇل – قوعام نازارىن ماڭىزدى ماسەلەگە بۇراتىن كورنەكى بەلگى ءارى قيىندىققا تاپ بولعان ادامدارعا دەگەن قولداۋ مەن قۇرمەتتىڭ نىشانى.