اۋىل شارۋاشىلىعى ءمينيسترى ايداربەك ساپاروۆ ۇكىمەت وتىرىسىندا كوكتەمگى دالا جۇمىستارىن (كدج) قارجىلاندىرۋ تۋرالى باياندادى، دەپ حابارلايدى aqshamnews.kz
ول قارجىلاندىرۋدىڭ ەرتە باستالۋىنىڭ ارقاسىندا فەرمەرلەر نەگىزگى رەسۋرستار – تۇقىم، تىڭايتقىش، ججم، تەحنيكانى ءتيىمدى باعامەن الدىن الا ساتىپ العانىن اتاپ ءوتتى.
بۇگىنگى تاڭدا كدج قارجىلاندىرۋعا 480،6 ملرد تەڭگە سوماسىنا 7 مىڭ ءوتىنىم كەلىپ ءتۇستى، 385 ملرد تەڭگە سوماسىنا اۋىل شارۋاشىلىعى تاۋارىن وندىرۋشىلەر (ءاشتو) قارجىلاندىرىلدى.
جەڭىلدەتىلگەن قارجىلاندىرۋعا 8 الەۋمەتتىك-كاسىپكەرلىك كورپوراسيا قاتىسۋدا، ولارعا فەرمەرلەردى قارجىلاندىرۋ ءۇشىن 131،1 ملرد تەڭگە ءبولىندى. كەپىل جەتكىلىكسىزدىگى ماسەلەسىن شەشۋ ءۇشىن قارىز سوماسىنىڭ 85% مولشەرىندە كەپىلدىك بەرۋ باعدارلاماسىن ىسكە اسىرۋ جالعاسۋدا. وسى جىلى جالپى كەپىلدىك سوماسى 135،2 ملرد تەڭگەگە 943 كەپىلدىك بەرىلدى. قارىزداردىڭ جالپى سوماسى 159 ملرد تەڭگەنى قۇرادى.
«جىلدىق 5% سىياقى مولشەرلەمەسى بويىنشا 200 ملرد تەڭگە سوماسىنا جەڭىلدەتىلگەن ليزينگ باعدارلاماسى وتاندىق ءوندىرىستىڭ 6 مىڭعا جۋىق اۋىل شارۋاشىلىعى تەحنيكاسىن ساتىپ الۋعا مۇمكىندىك بەرەتىن بولادى. بۇگىنگى كۇنى 120 ملرد تەڭگەگە 3،2 مىڭ ءوتىنىم كەلىپ ءتۇستى. فورۆاردتىق ساتىپ الۋ شەڭبەرىندە ازىق-تۇلىك كەلىسىم شارت كورپوراسياسىنا 17،7 ملرد تەڭگە سوماسىنا اشتو-دەن 191 ءوتىنىم كەلىپ ءتۇستى»، — دەپ تولىقتىردى ايداربەك ساپاروۆ.
