كەزدەسۋدە تاراپتار قازاقستان مەن ماروككو اراسىنداعى ءدىني-رۋحاني بايلانىستاردى نىعايتۋ، يسلام ىستەرى سالاسىنداعى ىنتىماقتاستىقتى كەڭەيتۋ ماسەلەلەرىن تالقىلادى، دەپ حابارلايدى aqshamnews.kz قمدب باسپا ءسوز قىزمەتىنە سىلتەمە جاساپ.
استانادا قازاقستان مۇسىلماندارى ءدىني باسقارماسىنىڭ ءتوراعاسى، باس ءمۇفتي ناۋرىزباي قاجى تاعان ۇلى ماروككو كورولدىگىنىڭ قازاقستان رەسپۋبليكاسىنداعى توتەنشە جانە وكىلەتتى ەلشىسى موحاممەد راشيد ءماانينۋدى قابىلدادى.
"بۇل كەزدەسۋ قوس مەملەكەت اراسىنداعى ءوزارا سەرىكتەستىكتى ارتتىرىپ، ءدىني سالاداعى تاجىريبە الماسۋعا مۇمكىندىك بەرەدى"، – دەدى باس ءمۇفتي.
كەزدەسۋ سوڭىندا ەكىجاقتى ىنتىماقتاستىقتى جانداندىرۋ ماقساتىندا بىرلەسكەن جوبالاردى جۇزەگە اسىرۋ جانە ءدىن قىزمەتكەرلەرىنىڭ بىلىكتىلىگىن ارتتىرۋ باعىتىندا ۇسىنىستار ءبىلدىرىلدى.