قاۋىپسىزدىك شارالارىن ساقتاي وتىرىپ، جارۋ ءىسى جۇرگىزىلدى
№2 ورتا مەكتەپتىڭ مەڭگەرۋشىسى پوليسياعا حابارلاسىپ، قويمادان قولدان جاسالعان جارىلعىش قۇرىلعىعا ۇقساس زات تابىلعانى تۋرالى ايتقان، دەپ حابارلايدى Almaty-akshamy.kz Zakon.kz-كە سىلتەمە جاساپ.
پوليسيا قىزمەتكەرلەرى اۋماقتى قورشاۋعا الىپ، بارلىعىن وقۋ ورنىنان ەۆاكۋاسيالادى. وقيعا ورنىنان ولار سىمدارى بار قاڭىلتىر ىدىستى تاپتى.
«قارۋمەن شۇعىلداناتىن تەحنيك-ماماندار تابىلعان قۇرىلعىنى زەرتتەدى. ازاماتتاردىڭ قاۋىپسىزدىگى ماقساتىندا، قولدانىستاعى ءىس-قيمىل الگوريتمىنە سايكەس، ونى سول جەردە جويۋ تۋرالى شەشىم قابىلداندى. وسىعان بايلانىستى قاجەتتى قاۋىپسىزدىك شارالارىن ساقتاي وتىرىپ، جارۋ ءىسى جۇرگىزىلدى»،-دەدى اقمولا وبلىسى پد باسپا ءسوز قىزمەتى.
وقيعا ورنىندا وبلىستىق پوليسيا دەپارتامەنتىنىڭ جەدەل-تەرگەۋ توبى مەن جارۋمەن شۇعىلداناتىن تەحنيك-ماماندار جۇمىس ىستەدى.
ازاماتتاردان ۇرەيلەنبەۋدى جانە تەك رەسمي اقپارات كوزدەرىنەن الىنعان دەرەكتەرگە سەنۋدى سۇرايمىز، - دەدى پوليسەيلەر قالا تۇرعىندارىنا.