گەنناديي گولوۆكين مەن ساۋل الۆارەستىڭ الدىڭعى ەكى جەكپە-جەگى 2017 جانە 2018 جىلدارى وتكەن بولاتىن
GGG مەن كانەلو اراسىنداعى جەكپە-جەك 17 قىركۇيەككە جوسپارلانعان. ءبىراق ايتۋلى ايقاس قايدا وتەتىنى ءالى بەلگىسىز، دەپ حابارلايدى Almaty-akshamy.kz Zakon.kz-كە سىلتەمە جاساپ.
بىرەر كۇن بۇرىن مەكسيكالىق بوكسشى باسپا ءسوز ءماسليحاتىن وتكىزىپ، الداعى جەكپە-جەك جايىنان مالىمەتپەن بولىسكەن بولاتىن. ول باسپا ءسوز ءماسليحاتىندا قىركۇيەكتە گولوۆكينمەن جۇدىرىق تۇيىستىرەتىنىن ناقتىلادى.
ايتا كەتەلىك، گەنناديي گولوۆكين مەن ساۋل الۆارەستىڭ الدىڭعى ەكى جەكپە-جەگى 2017 جانە 2018 جىلدارى وتكەن بولاتىن. ءبىرىنشى كەزدەسۋ داۋ-دامايمەن اياقتالدى، ال 12 ايدان كەيىن بولعان ەكىنشى جەكپە-جەكتە مەكسيكالىق تورەشىلەردىڭ بەرگەن باسىم داۋىسىمەن جەڭىمپاز دەپ تانىلدى.
8 مامىردا كانەلو رەسەيلىك بوكسشى دميتريي بيۆولدان سەنساسيالىق تۇردە جەڭىلىپ قالدى. جەكپە-جەكتەن كەيىن بيۆول ريەۆانش وتكىزۋگە ۋادە بەردى. وسىلايشا، گولوۆكين – الۆارەستىڭ كوپتەن كۇتكەن جەكپە-جەگىنە وزگەرىس ەنۋ ىقتيمالدىلىعى جوعارىلادى.