«حالىق قاتىساتىن بيۋدجەت» باعدارلاماسى اياسىندا بيىلعى جىلى جالپى سوماسى 1،6 ملرد. تەڭگەگە 44 جوبا ىسكە اسىرىلۋدا.
بۇل تۋرالى الماتى اكىمى ەربولات دوسايەۆتىڭ مەدەۋ اۋدانى تۇرعىندارىمەن وتكەن كەزدەسۋىندە ايتىلدى، دەپ حابارلايدى Almaty-akshamy.kz.
بۇگىنگى تاڭدا 21 جوبا بويىنشا جۇمىستار اياقتالدى. قالعان 23 جوبا (13 اۋلانى جايلاستىرۋ، 10 قوعامدىق كەڭىستىكتى اباتتاندىرۋ) بيىلعى جىلدىڭ قازان ايىنىڭ سوڭىنا دەيىن اياقتالادى.
جەكە قاراجات ەسەبىنەن بيىل قىركۇيەك ايىنىڭ باسىندا «كوك توبە» پاركىنە دەيىنگى ۇزىندىعى 1،2 كم جاياۋ جۇرگىنشىلەر تروتۋارىن جايلاستىرۋ جۇمىستارى باستالدى. بۇگىنگى كۇنى جولدى كەڭەيتۋ جۇمىستارى جۇرگىزىلىپ، بورديۋرلار، ورىندىقتار مەن ۋرنالار ورناتىلادى. اياقتالۋ مەرزىمى – وسى جىلدىڭ قاراشا ايى.
بيىل «كوك بازاردى» مودەرنيزاسيالاۋ جۇمىستارى باستالدى. جەلىلەردى رەكونسترۋكسيالاۋ، ورتالىق كىرەبەرىستىڭ الدىنداعى بەتون جابىندىنى جاڭارتۋ، تىرەك كونسترۋكسيالارىن كۇشەيتۋ، اۋماقتى اباتتاندىرۋ جوسپارلانۋدا. جۇمىستاردى 2024 جىلدىڭ سوڭىنا دەيىن اياقتاۋ جوسپارلانۋدا.