«الاتاۋ» قالالىق اۋرۋحاناسىنىڭ عيماراتىن رەكونسترۋكسيالانادى.
№10 جەدەل جاردەم قوسالقى ستانسياسىن سالۋ ءۇشىن جەر ساتىپ الۋ جۇمىستارى جۇرگىزىلۋدە، دەپ حابارلايدى Almaty-akshamy.kz
«مەديسينالىق قىزمەت كورسەتۋدى جاقسارتۋ جانە كەڭەيتۋ ماقساتىندا وسى جىلدىڭ سوڭىنا دەيىن
4 دەنساۋلىق ساقتاۋ وبەكتىسى بويىنشا جوبالاۋ-سمەتالىق قۇجاتتامانى اياقتاۋعا نيەتتىمىز. «دۋمان» شاعىن اۋدانىندا 500 ادام قابىلدايتىن جاڭا ەمحانا سالۋ، «الاتاۋ» شاعىن اۋدانىندا سەيسميكالىق كۇشەيتە وتىرىپ، «الاتاۋ» قالالىق اۋرۋحاناسىنىڭ عيماراتىن رەكونسترۋكسيالاۋ،
№2 قالالىق مامانداندىرىلعان بالالار ءۇيىن (بايجانوۆ كوشەسى، 107/5) كۇردەلى جوندەۋ، №4 جەدەل جاردەم قوسالقى ستانسياسىنىڭ («سامال-3» شاعىن اۋدانى) عيماراتىنىڭ قۇرىلىسى جوسپارلانعان. №2 قالالىق مامانداندىرىلعان بالالار ءۇيىن كۇردەلى جوندەۋدى قاڭتار ايىندا باستاۋ جوسپارلانۋدا. قالعان 3 جوبا بويىنشا قۇرىلىس-مونتاجداۋ جۇمىستارىن 2024 جىلدىڭ 2 توقسانىندا باستايمىز»، دەدى مەگاپوليس اكىمى ەربولات دوسايەۆ.
سونداي-اق №10 جەدەل جاردەم قوسالقى ستانسياسىنىڭ عيماراتىن سالۋ ءۇشىن جەر ۋچاسكەلەرىن ساتىپ الۋ جۇمىستارى جۇرگىزىلۋدە (ايدىن كوشەسى، 9).
انىقتاما ءۇشىن: 2023 جىلعى 23 اقپاندا №1/1-104 جەر ۋچاسكەسىن ماجبۇرلەپ يەلىكتەن شىعارۋ تۋرالى قاۋلى قابىلداندى، 3 جەر ۋچاسكەسى الىپ قويۋعا جاتادى (مەنشىك يەسى-5، جالپى اۋدانى – 0،1441 گا، بولجامدى قۇنى – 173 ملن. تگ.). بۇگىنگى كۇنى جەر ۋچاسكەسىن باعالاۋ راسىمدەرى جۇرگىزىلۋدە.