تۇرعىن ۇيلەردەگى كىرەبەرىستەر، باسپالداق الاڭدارى مەن اۋلالار – ورتاق پايدالانۋعا ارنالعان ورىندار. سوندىقتان ول جەرلەردە بالالار ارباسى، ۆەلوسيپەد، جيھاز سەكىلدى جەكە زاتتاردى ساقتاۋعا بولمايدى. مۇنداي ارەكەت ءۇشىن ق ر اكىمشىلىك قۇقىقبۇزۋشىلىقتار تۋرالى كودەكسىنە ساي ايىپپۇل قاراستىرىلعان. قانداي ايىپپۇل جانە بۇل تۋرالى زاڭگەر نە دەيدى؟ تولىعىراق اqshamnews.kz ماتەريالىندا.
1. ءورت قاۋىپسىزدىگى ەرەجەسىن بۇزۋ
ەگەر جەكە زاتتار (اربالار، ۆەلوسيپەدتەر جانە ت.ب.) ەۆاكۋاسيا جولدارىنا كەدەرگى كەلتىرسە، بۇل ءورت قاۋىپسىزدىگى تالاپتارىن بۇزۋ رەتىندە سانالادى.
- ق ر اقبك 410-بابىنا سايكەس – 5 اەك (19 660 تەڭگە) كولەمىندە ايىپپۇل سالىنادى.
- ەگەر ءبىر جىل ىشىندە قايتالانسا – 10 اەك (39 320 تەڭگە).
زاڭگەر ەرجان بولاتبەكتىڭ ايتۋىنشا، 2022 جىلعى 21 اقپانداعى №55 بۇيرىقپەن بەكىتىلگەن ءورت قاۋىپسىزدىگى قاعيدالارىنا سايكەس، ەۆاكۋاسيالىق ەسىكتەر مەن جولداردى ەشقانداي زاتپەن جابۋعا نەمەسە تارىلتۋعا بولمايدى. ءورت كەزىندە بۇل ادامداردىڭ ءقاۋىپسىز شىعۋىنا كەدەرگى كەلتىرۋى مۇمكىن.
2. ورتكە قاتىسى جوق ورىنداردا تۇرعان جاعدايدا
ەگەر اربا نەمەسە ۆەلوسيپەد ءورت جولدارىنا كەدەرگى كەلتىرمەيتىن جەردە تۇرسا، ءبىراق تۇرعىنداردىڭ ارىزى نەگىزىندە شاعىم تۇسسە، ق ر اقبك 505-بابى بويىنشا جاۋاپكەرشىلىك قاراستىرىلادى:
- 20 اەك (78 640 تەڭگە) ايىپپۇل.
3. قوقىس شىعارىپ قويعان جاعدايدا
كىرەبەرىسكە نەمەسە ورتاق اۋماققا قوقىس قويعاندار ق ر اقبك 434-2 بابىنا سايكەس جازالانادى:
- ءبىرىنشى رەت – 10 اەك (39 320 تەڭگە)،
- قايتالانسا – 20 اەك (78 640 تەڭگە) ايىپپۇل.
زاڭگەردىڭ ايتۋىنشا، ەگەر وسىنداي ارەكەت سالدارىنان بىرەۋدىڭ دەنساۋلىعىنا نەمەسە ومىرىنە ءقاۋىپ تونسە، ءىس ءتىپتى قىلمىستىق جاۋاپكەرشىلىككە دەيىن بارادى.