وقيعا ورنىنا وبلىس اكىمى اسايىن بايحانوۆ باردى
پاۆلودار وبلىسىنىڭ باياناۋىل اۋدانىنداعى مايقايىڭ كەنىشىنە 4 جولاۋشى وتىرعان اۆتوبۋس قۇلاپ كەتتى، دەپ حابارلايدى اlmaty-akshamy.kz. وبلىستىق تجد باسپا ءسوز قىزمەتى.
وقىس وقيعا بۇگىن ساعات 01:25 شاماسىندا بولعان. كەنىش «مايكاينزولوتو» اق-عا تيەسىلى.
شۇڭعىرعا قۇلاعان اۆتوبۋستا 4 جولاۋشى (كااقق روش پاۆلودار فيليالىنىڭ 3 قۇتقارۋشىسى مەن 1 جۇرگىزۋشى) وتىرعان. شۇڭقىردىڭ ۇزىندىعى – 150-200 مەتر، ەنى – 500 مەتر، تەرەڭدىگى – 150 مەتر. شاحتادان 33 جۇمىسشى ەۆاكۋاسيالاندى. ولاردىڭ ءومىرى مەن دەنساۋلىعىنا ءقاۋىپ تونگەن جوق.
جەدەل شتاب ۇيىمداستىرىلدى. پاۆلودار وبلىسىنىڭ اكىمى اسايىن بايحانوۆ، تجد مەن جەرگىلىكتى اتقارۋشى ورگانداردىڭ باسشىلىعى وقيعا ورنىنا باردى.
بۇگىندە «مايكاينزولوتو» اق كەنىشىندە اۆاريالىق-قۇتقارۋ جۇمىستارى جۇرگىزىلىپ جاتىر. اپاتتىڭ سالدارىن جويۋعا 44 ادام مەن 13 تەحنيكا، ءبىر درون جۇمىلدىرىلدى.