كەلەسى جىلى سالىق كودەكسىندە قانداي وزگەرىستەر بولادى؟

2026 جىلدان باستاپ جاڭا سالىق كودەكسى اياسىندا وڭايلاتىلعان دەكلاراسيا ءتارتىبى مەن بولشەك ساۋدا سالىعى ءبىر رەجيمگە بىرىكتىرىلەدى، دەپ حابارلايدى aqshamnews.kz

قولدانىستاعى وڭايلاتىلعان دەكلاراسيا رەجيمى جىلدىق تابىسى 180 ملن تەڭگەگە دەيىنگى، جۇمىسشىلار سانى 30 ادامنان اسپايتىن كاسىپكەرلەرگە ارنالعان جانە سالىق ستاۆكاسى 3% بولىپ بەلگىلەنگەن، دەپ ەسكە سالادى mybuh.kz ماماندارى. بۇعان قوسا، جىلدىق اينالىمى 2،4 ملرد تەڭگەگە دەيىن جەتەتىن، قىزمەتكەرلەر سانىنا شەكتەۋ قويىلمايتىن جانە ماسليحات شەشىمىمەن 4% ستاۆكانى ەكى ەسە تومەندەتۋگە مۇمكىندىك بەرەتىن بولشەك سالىق رەجيمى دە جۇمىس ىستەپ تۇر.

2026 جىلدان باستاپ ەكى رەجيم بىرىكتىرىلىپ، تومەندەگىدەي تالاپتار ەنگىزىلەدى:

سالىق سالۋدىڭ ارنايى رەجيمى بويىنشا تابىس شەگى — 600 000 اەك (شامامەن 2،4 ملرد تەڭگە جىلىنا)؛

سالىق مولشەرلەمەسى — 4% (ءار وڭىردە ماسليحاتتار ونى 50%-عا تومەندەتۋگە نەمەسە كوتەرۋگە قۇقىلى)؛

جۇمىسشىلار سانىنا قويىلاتىن شەكتەۋ الىنىپ تاستالادى؛

رەجيم تەك بولشەك ساۋداعا — ياعني سوڭعى تۇتىنۋشىمەن جۇمىس ىستەۋگە رۇقسات بەرەدى؛

بەلگىلى ءبىر قىزمەت تۇرلەرىنە عانا قولدانىلادى.

ەگەر كاسىپكەردىڭ جىلدىق تابىسى 100 ملن تەڭگەدەن اسسا، ەڭبەكاقى قورى ەسەبىنەن سالىق سالىناتىن تابىستى ازايتۋ مۇمكىندىگى قاراستىرىلعان.