412،5 مىڭ ادام جۇمىسقا ورنالاستى.
بيىلعى 1 جەلتوقسانداعى جاعداي بويىنشا، 2021-2025 جىلدارعا ارنالعان كاسىپكەرلىكتى دامىتۋ جونىندەگى ۇلتتىق جوباعا 649،6 مىڭ ادام قاتىستى، دەپ حابارلايدى Almaty-akshamy.kz.
412،5 مىڭ ادام جۇمىسقا ورنالاستى. ونىڭ 292،4 مىڭى تۇراقتى جۇمىسقا ورنالاستى.
جۇمىس بەرۋشىلەردىڭ وتىنىمدەرى بويىنشا كاسىپتىك وقىتۋعا 13،8 مىڭ ادام جىبەرىلدى.
ءوز كاسىبىن باستاۋ ءۇشىن 21،7 مىڭ ادام مەملەكەتتىك گرانت الدى.
«سۋبسيديالاناتىن جۇمىس ورىندارىنا 168،4 مىڭ ادام ورنالاستىرىلدى. ونىڭ ىشىندە الەۋمەتتىك جۇمىس ورىندارىمەن 14،5 مىڭ، جاستار پراكتيكاسىمەن 28،4 مىڭ، قوعامدىق جۇمىستارمەن 118،3 مىڭ ادام، «العاشقى جۇمىس ورنى» جوباسى اياسىندا 3،8 مىڭ، «ۇرپاقتار كەلىسىمشارتى» جوباسى اياسىندا 534 ادام، «كۇمىس جاس» جوباسى اياسىندا 2،9 مىڭ ادام جۇمىسپەن قامتىلدى»، - دەلىنگەن ەڭبەكمينى باسپا ءسوز قىزمەتىنىڭ حابارلاماسىندا.
سونداي-اق قىزمەت سالاسىن تاڭداۋ ماقساتىندا 143،6 مىڭ ادام الەۋمەتتىك كاسىپتىك باعدارلاۋدان ءوتتى.
ەسكە سالايىق، بۇعان دەيىن حالىقتى جۇمىسپەن قامتۋعا ارنالعان شارالار ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان «ەڭبەك» مەملەكەتتىك باعدارلاماسى اياسىندا جۇزەگە اسىرىلدى. 2021 جىلى باعدارلاماعا 651،8 مىڭ ادام قاتىستى.
مەملەكەتتىك باعدارلاماعا قاتىسۋشىلار تۇراقتى جانە سۋبسيديالاناتىن جۇمىس ورىندارىمەن قامتىلدى. سونداي-اق ولارعا كاسىپكەرلىكتى دامىتۋ ءۇشىن ميكرونەسيە مەن قايتارىمسىز مەملەكەتتىك گرانت بەرىلىپ، قولداۋ كورسەتىلدى. قىسقا مەرزىمدى كۋرستاردا جانە كاسىپتىك-تەحنيكالىق ءبىلىم بەرۋ ۇيىمدارىندا وقىتىلدى.
بۇدان بولەك، «ەڭبەك» باعدارلاماسىنداعى باعىتتاردىڭ ءبىرى اياسىندا جۇمىس كۇشى ارتىق وڭىرلەردەن جۇمىس كۇشى تاپشى وڭىرلەرگە كوشىرىلدى.