حالىقارالىق سپورتتىق الپينيزم فەدەراسياسى (ISMA) 2022 جىلعى بيىكتىككە كوتەرىلۋ كلاسىنداعى الپينيزم بويىنشا الەم چەمپيوناتىن قورىتىندىلادى، دەپ حابارلايدى اlmaty-akshamy.kz الماتى قالاسىنىڭ تۋريزم باسقارماسىنا سىلتەمە جاساپ.
ءبىرىنشى ورىندى قيىندىق كاتەگورياسى 6ب سولتۇستىك-باتىس قابىرعاسى بويىنشا ۆەرنىي شىڭىنا (5 250م) العاشقى بولىپ وتكەن قازاقستان قۇراما كومانداسى يەلەندى.
قازاقستاندىق كومانداعا الپينيستەر رومان شەستەرنين، لەونيد كرۋپا، زاكيرجان ابدۋرايموۆ جانە ستانيسلاۆ لاينوپۋلو ەندى. كوماندانى سپورت شەبەرى ماكسيم تەن باسقاردى، جاتتىقتىرۋشىلار - سپورت شەبەرلەرى ارتەم سكوپين جانە ۆياچەسلاۆ تيتوۆ. بۇكىل باعىتتىڭ ۇزىندىعى 1670 م، بيىكتىك ايىرماشىلىعى – 910 م. كوماندا باعىت بويىنشا 6 ءتۇن بولدى، ارنايى پلاتفورمادا تۇنەدى.
«جەتىنشى كۇنى ءبىز شىڭعا كوتەرىلىپ، تۇڭعىش رەت تار پلاتفورماسىز، جاي عانا اشىق اسپان استىندا، اپپاق قاردىڭ ورتاسىندا، وتكىر جەل مەن سۋىققا قاراماستان، مەنىڭ قۋانىشىمدا شەك بولمادى. ايتەۋىر، ەشكىممەن قىستىرىلىسپاي، ەركىن جۇرەتىن بوس ورىنعا جەتتىم-اۋ! شىرقاۋ شىڭنىڭ باسىندا، قول-اياعىڭدى ەركىن سوزىپ جاتقانعا نە جەتسىن! شىڭعا ورمەلەۋدەن شارشادىق دەپ ايتا المايمىن. قايتا كۇن سايىن جان-جاقتان قىسىپ تۇراتىن قۇزداردان ءوتىپ، پسيحولوگيالىق تۇرعىداعى شەكتەۋدەن بوساۋدىڭ راحاتىن ىشكى جان-دۇنيەممەن سەزىندىم»، – دەدى الپينيست لەونيد كرۋپا.
شىڭعا ورلەۋشىلەردىڭ ايتۋىنشا، ۆەرنىي شىڭىنىڭ سولتۇستىك-باتىس بەتكەيى كوتەرىلۋ بارىسىندا ۇلكەن قىزىعۋشىلىق تۋدىرادى. ويتكەنى، باعىتتىڭ باستى ەرەكشەلىگى - قۇزدار تىك، ال كەيبىر جەرلەرى ەڭىس بولىپ كەلەدى.
«جىگىتتەر وتە مىقتى. ماشينالار. مەن نەگىزگى قۇرامدا شاتقالمەن كوتەرىلۋ ۇسىنىلعانعا دەيىن فوتوسۋرەت باعىتىن قاراعان كەزدە، مەن قۇزدىڭ قانشالىقتى ءمونوليتتى جانە كۇردەلى رەلەفىن ەلەستەتە المادىم. ءتىستى دوڭعالاقتى ماشينامەن قۇزعا شىعۋدىڭ بارلىق ۋاقىتتاعى تاكتيكاسى مەن جالپى ستراتەگياسىن شەبەر ويلاستىرعان ماكسيمنىڭ ەڭبەگى زور. ولار شىڭعا شىققان كەزدە، بىزدە ازىق-تۇلىكتەن تەك "قول سۇعىلمايتىن" ازىق-تۇلىك قورى عانا قالعان بولاتىن. توتەنشە جاعدايعا ارنالعان جارتى سيليندر گازدى الدى»، - دەدى قاتىسۋشى زاكيرجان ابدۋرايموۆ.
انىقتاما:
ۆەرنىي شىڭى (5250 م) باسقا الپينيستىك اۋداندارعا قاراعاندا الدەقايدا از زەرتتەلگەن، قىزىل اسكەر شىڭى اۋدانىندا (5842 م)، ورتالىق تيان-شان، باتىس كوكشاال-توو جوتاسىندا ورنالاسقان. اۋداننىڭ اۋا رايى تۇراقسىز، ءبىر كۇندە بىرنەشە رەت قۇبىلىپ، بىرەسە اشىق بولادى، بىرەسە قار جاۋادى، بىرەسە بوران سوعادى. كافەدرالدى سوبور، مينسك شىڭى، «تيان-شان پەتي-دريۋ» دەپ اتالادى جانە سىرت كەلبەتى ۇلكەن ىشكى بۇرىشى بار قارا گرانيت تۇرىندەگى ۇلكەن قۇز بولىپ كەلەدى.