سايلاۋعا دايىندىق

الماتى قالاسىنىڭ سايلاۋ كوميسسيالارىنىڭ كادرلارى ارنايى وقىتۋدان ءوتىپ جاتىر

قازاقستان رەسپۋبليكا­سى پرەزيدەنتىنىڭ جانىن­داعى مەملەكەتتىك باسقارۋ اكادەمياسىنىڭ الماتى قالاسى بويىنشا فيليا­لىندا الماتى قالاسى­نىڭ اۋماقتىق جانە ۋچاس­كەلىك سايلاۋ كوميسسيالارىنىڭ مۇشەلەرى مەن ءتوراعالارى ءۇشىن «قازاقستان رەسپۋبليكاسىنداعى سايلاۋ پروسەسى: تەوريا جانە پراكتيكا» تاقىرى­بىندا وقىتۋ سەمينارى وتكىزىلىپ جاتىر.

اتالمىش سەميناردىڭ باستى ماقساتى – سايلاۋ زاڭ­ناماسىنىڭ نەگىزدەرىن جانە ونى قازاقستان رەسپۋبليكا­سىنىڭ پرەزيدەنتىنە سايلاۋ كەزىندە قولدانۋ پراكتيكا­سىن ءبىلۋ ەسەبىنەن كاسىبي قۇ­زىرەتتەر مەن پراكتيكالىق داعدىلار دەڭگەيىن ارتتىرۋ بولىپ تابىلادى.

سەميناردا، وقىتۋ باع­دارلاماسىنا سايكەس، سايلاۋ كوميسسيالارىنىڭ جۇمىسىن ۇيىمداستىرۋ، داۋىس بەرۋ ءتارتىبى جانە سايلاۋدا داۋىس بەرۋ قورىتىندىسىن شىعا­رۋ، سايلاۋ زاڭناماسىن بۇزعا­نى ءۇشىن جاۋاپكەرشىلىك، قو­عامدىق باقىلاۋشىلارمەن جانە ب ا ق وكىلدەرىمەن ءوزارا ءىس-قيمىل تۋرالى جانە ت.ب. پراكتيكالىق جانە ينتەراك­تيۆتىك فورماتتاعى ساباقتار قاراستىرىلىپ وتىر.

وقىتۋ بارىسىندا داۋىس بەرۋ كۇنى سايلاۋشىلارمەن جۇمىستا سايلاۋ كوميسسيالا­رى مۇشەلەرىنىڭ مىنەز-قۇل­قى، ىقتيمال جانجالدى جاع­دايلاردى شەشۋ ماسەلەلەرىنە ەرەكشە نازار اۋدارىلادى.

سونداي-اق، سەمينارعا قاتىسۋشىلار اراسىندا ناق­تى پراكتيكاعا باعدارلانعان «قازاقستان رەسپۋبليكاسى پرەزيدەنتىن سايلاۋ كۇنى» ىسكەرلىك ويىنى وتكىزىلدى.

ساباقتاردى فيليال وقى­تۋشىلارى، سايلاۋ زاڭناما­سىنداعى ساراپشىلار جانە الدىڭعى سايلاۋدى وتكىزۋدە ايتارلىقتاي تاجىريبەسى بار سايلاۋ پروسەستەرىن ۇيىم­داستىرۋشىلار مەن بيزنەس-ترەنەرلەر جۇرگىزىپ جاتىر.

اتالمىش وقۋ باعدارلا­ماسى 2018 جىلدان باستاپ ق ر ورتالىق سايلاۋ كوميس­سياسى مەن قازاقستان رەس­پۋبليكاسى پرەزيدەنتىنىڭ جانىنداعى مەملەكەتتىك باسقارۋ اكادەمياسى اراسىن­دا جاسالعان مەموراندۋم شەڭبەرىندە الماتى قالاسى­نىڭ اۋماقتىق سايلاۋ كوميس­سياسىمەن بىرلەسىپ ىسكە اسى­رىلىپ كەلەدى.