ءماجىلىس دەپۋتاتتارىنا قىلمىستىق زاڭناماعا ۇسىنىلعان تۇزەتۋلەردى تانىستىرعان ادىلەت ۆيسە-مينيسترى الما مۇقانوۆا ەل اۋماعىنان زاڭسىز شىعارىلعان كاپيتالدى قايتارۋ تۋرالى زاڭ جوباسى ماجىلىسكە قاشان تۇسەتىنىن ايتتى، دەپ حابارلايدى Almaty-akshamy.kz.
«زاڭسىز شىعارىلعان اكتيۆتەردى قايتارۋ باعىتىنداعى زاڭ جوباسىن ۇكىمەت ازىرلەگەن بولاتىن. سونىمەن بىرگە ءتيىستى زاڭ جوباسىن پارلامەنت دەپۋتاتتارى دا دايىنداپ، ۇكىمەتكە قورىتىندى بەرۋ ءۇشىن ەنگىزىلدى. قازىرگى تاڭدا اتالعان زاڭ جوبالارى ۇكىمەتتىڭ قاراۋىندا جاتىر. ياعني ۇكىمەت ءوز قورىتىندىسىن ازىرلەۋ ۇستىندە.
كەلەسى ايدىڭ اياعىنا دەيىن ۇكىمەت زاڭ جوباسىنا بەرىلەتىن قورىتىندىنى ازىرلەپ ۇلگەرەدى جانە ءماجىلىستىڭ قاراۋىنا وتكىزەدى دەپ ويلايمىن»، - دەدى الما مۇقانوۆا.