الماتىدا «مەنىڭ وتباسىمنىڭ تاريحى ارحيۆ قۇجاتتارىندا» بايقاۋىنىڭ جەڭىمپازدارى ماراپاتتالدى.
بيىل 1998 جىلعى 22 جەلتوقساندا قابىلدانعان ق ر «ۇلتتىق ارحيۆ قورى جانە ارحيۆتەر تۋرالى» زاڭىنىڭ قولدانىسقا ەنگەنىنە 25 جىل تولىپ وتىر.
اتالمىش زاڭنىڭ قابىلدانۋى ەلىمىزدەگى ارحيۆ سالاسىنىڭ جۇمىسىن جۇيەلەندىرىپ، ءبىر ارناعا توعىستىردى، نورماتيۆتىك-قۇقىقتىق بازانى قالىپتاستىردى. ق ر پرەزيدەنتىنىڭ ءارحيۆى زاڭنىڭ مارتەبەسىن ناسيحاتتاۋ ماقساتىندا «تاريحي قۇجات – ۇرپاققا امانات» ارحيۆتىك مارافونىن ۇيىمداستىردى.
مارافون اياسىندا ق ر پرەزيدەنتى ءارحيۆى الماتى قالاسى ءبىلىم باسقارماسىنىڭ قولداۋىمەن «مەنىڭ وتباسىمنىڭ تاريحى ارحيۆ قۇجاتتارىندا» مەكتەپتىك وقۋ-زەرتتەۋ جۇمىستارىنىڭ كونكۋرسىن وتكىزدى.
بايقاۋ بيىل ەكىنشى رەت ۇيىمداستىرىلىپ وتىر. 2022 جىلى وقۋشىلاردان 80-گە جۋىق جۇمىس ۇسىنىلسا، بيىل بايقاۋعا قاتىسۋشىلاردىڭ سانى ەكى ەسەگە ءوسىپ، كەلىپ تۇسكەن جۇمىستاردىڭ سانى 136-عا جەتتى. زەرتتەۋ جۇمىستارىن ارنايى كوميسسيا باعالادى.
ارنايى كوميسسيا زەرتتەۋ جۇمىستارىنىڭ مازمۇنى، عىلىمي تاسىلدەردىڭ قولدانۋى، ارحيۆ قۇجاتتارى، ونىڭ ىشىندە وتباسىلىق فوتوسۋرەتتەردى پايدالانۋ سىندى تالاپتاردى ەسكەرە وتىرىپ باعالاۋ جۇرگىزدى.
بايقاۋ قورىتىندىسى بويىنشا، ءبىرىنشى ورىندى №21 مەكتەپ-گيمنازياسىنىڭ وقۋشىسى جاپاروۆا مەرۋەرت، ەكىنشى ورىندى №200 مەكتەپ-گيمنازياسىنىڭ وقۋشىسى بايماحان اقبوتا، ءۇشىنشى ورىندى №43 ورتا مەكتەپتىڭ وقۋشىسى. ءجۇنىسحان اسەل يەلەندى. سونداي-اق 49 وقۋشى ارنايى نوميناسيا جەڭىمپازى دەپ تانىلدى. جەڭىمپازدارعا ديپلومدار مەن باعالى سىيلىقتار تابىستالدى.
