الماتىدا ەۋروپالىق وداق – ورتالىق ازيانىڭ ەكىنشى ەكونوميكالىق فورۋمى ءوتىپ جاتىر، دەپ حابارلايدىAlmaty-akshamy.kz BAQ.KZ-كە سىلتەمە جاساپ.
- الماتىعا قوش كەلدىڭىزدەر! بۇگىندە الەم، ەكونوميكانىڭ كوپتەگەن سالالارىنا اسەر ەتكەن جانە حالىقارالىق ساۋدادا قۇلدىراۋ تۋدىرعان COVID-19 پاندەمياسىنان كەيىن قالپىنا كەلە باستادى. بۇگىنگى تاڭدا ساۋدا جاھاندىق وندىرىستىك-ساتۋ تىزبەگىنە تەرەڭ ينتەگراسيالانعان، الماتى ەكونوميكاسىنىڭ ۇشتەن ءبىر بولىگىن قۇرايدى. بۇل سەكتور 250 مىڭنان استام ادامدى جۇمىسپەن قامتاماسىز ەتۋدە. ءبىز ينۆەستيسيالار مەن باسەكەگە قابىلەتتىلىكتى قولداۋعا، ءوڭىردىڭ تۇراقتى جانە جان-جاقتى ەكونوميكالىق دامۋىنا باعىتتالعان Ready4Trade - ورتالىق ازيا جوباسىنىڭ ءبىر بولىگى بولعانىمىزعا قۋانىشتىمىز. ساۋدانى رەتتەۋ راسىمدەرىن جەتىلدىرۋ ەسەبىنەن، ورتالىق ازيا ەلدەرىنىڭ ءارقايسىسىندا بيزنەستى جۇرگىزۋ جاعدايلارى جاقسارادى، شاعىن جانە ورتا كاسىپورىنداردىڭ باسەكەگە قابىلەتتىلىگى ارتاتىن بولادى، – دەدى ە.دوسايەۆ.
اتالمىش سەسيادا، ەۋروپالىق وداق پەن ورتالىق ازيا اراسىنداعى ساۋدا بايلانىستارىن دامىتۋ جولدارى قارالدى. بيزنەس پەن ۇكىمەت اراسىنداعى باسىمدىقتارعا تاقتالىپ ءوتتى.
قوناقجاي الماتى قالاسى مەن وسى فورۋمدى ۇيىمداستىرعان سەرىكتەستەرىمىزگە العىس ايتقىم كەلەدى. بىرلەسكەن جوبامىزدىڭ ارقاسىندا ورتالىق ازيا ەلدەرى بىرىگىپ وتىر. بۇل باستاما ورتالىق ازيا مەملەكەتتەرىنە وڭىرلىك شەكتەۋلەردى الىپ تاستاۋعا كومەكتەسەدى. الداعى ۋاقىتتا، ساۋدا ساتتىق، ميكرو جانە ماكرو بيزنەس وكىلدەرىنە كوڭىل ءبولۋ كەرەك. شيكىزاتتىق ەمەس ەكسپورت كولەمىن ارتتىرۋ. سونداي-ەكسپورتتاۋ نارىقتارىن ءارتاراپتاندىرۋ قاجەت، – دەدى ەۋروپالىق وداقتىڭ ەلشىسى كەستۋيس يانكاۋسكاس.
تالقىلاۋعا قاتىسۋشىلار كاسىپورىندارىندا تۋىندايتىن ماسەلەرگە ءمان بەردى. سونىمەن قاتار، ايەلدەر مەن جاستاردىڭ بيزنەستەگى ءرولى جايلى اتاپ ءوتتى.
ءبىز مىڭداعان بيزنەس وكىلدەرىنە كومەك كورسەتتىك. ينۆەستورلاردىڭ قارجىسى ەل ەكونوميكاسىنا سەرپىن بەرەتىن كاسىپورىندارىندارعا بەرىلۋ قاجەت. بۇگىندە ورتالىق ازيا ەلدەرىندەگى ايەلدەر مەن جاستار اراسىندا كاسىپكەرلىك سالاسىن دامىتۋدىڭ جولدارىن ۇسىنىپ جاتىرمىز. قاراپ وتىرساق، قىز-كەلىنشەكتەردىڭ باسىم بولىگىنىڭ بيزنەسكە بەت بۇرۋ قارقىنى وڭ ەكەنىن، ونى ستاتيستيكاندا بايقاۋعا بولادى،– دەيدى ITC اتقارۋشى ديرەكتورى پامەلا كوك-گاميلتون.
ايتا كەتەيىك، ەلىمىزدە 600 مىڭعا جۋىق كاسىپكەر ايەل بار. كەيىنگى ستاتيستيكالىق مالىمەتتەرگە سايكەس، شاعىن جانە ورتا كاسىپورىنداردىڭ 43%-ىن ايەلدەر باسقارادى. جەكە كاسىپكەرلىكتىڭ 77%-ى ايەلدەرگە تيەسىلى. شاعىن جانە ورتا بيزنەس سەكتورىنداعى بارلىق جۇمىس ورنىنىڭ شامامەن 1/3 بولىگى (1 ملن ادام) كاسىپكەر ايەلدەردىڭ ەنشىسىندە.
سونداي-اق، فورۋم اياسىندا كاسىپكەرلەردىڭ باستى ماسەلەسى لوگيستيكا جانە كولىك سالاسىنداعى قىزمەتكە بايلانىستى ەكەندىگى ايتىلدى. حالىقارالىق بيزنەس ترانزاكسيالارى كەزىندە جۇكتەردى تاسىمالداۋ ماسەلەلەرى كوپتەگەن قۇقىقتىق سالدارلاردى، قۇقىقتىق نورمالارمەن رەتتەلۋدى جانە تاسىمالداۋدىڭ جاۋاپكەرشىلىگىن قاراستىراتىنىن اتاپ ءوتتى.