وقۋشىلاردىڭ ەلەكتر ساموكاتتارمەن جۇرگەنى ءۇشىن اتا-انا جاۋاپتى ەكەنى ەسكەرتىلدى
جينالىستا ولار اتا-انالارعا ەلەكتر ساموكاتتاردى پايدالانۋ ەرەجەلەرىن ءتۇسىندىردى، دەپ حابارلايدى Almaty-akshamy.kz.
كيكشەرينگ كومپانيالارىنىڭ مالىمەتىنە سايكەس، ەلەكتر ساموكاتتى جالعا الۋعا18 جاسقا دەيىن شەكتەۋ قويىلعانىمەن، وقۋشىلاردىڭ جالدامالى ساموكاتتارمەن جۇرگەندەرىن ءجيى كورۋگە بولادى. ايتا كەتەرلىگى، كيكشەرينگ قوسىمشاسىندا تىركەلۋ ءۇشىن بانك كارتالارىنىڭ دەرەكتەرى قاجەت، ال بالالاردىڭ كارتالارى اۆتوماتتى تۇردە قابىلدانبايدى. سوندىقتان، بالالار اتا-انالارىنىڭ نەمەسە تۋىستارىنىڭ بانك كارتالارىن پايدالانادى، ءسويتىپ، ەلەكتر سكۋتەرلەرىن جالعا الۋعا قول جەتكىزەدى.
كومپانيا وكىلدەرى اتاپ وتكەندەي، بۇل ماسەلەنىڭ، ەڭ الدىمەن، بالا قاۋىپسىزدىگىنە قاتىستى ەكەنىن تۇسىنگەن ءجون. كامەلەتكە تولماعان تۇلعالار مىنگەن ەلەكتر ساموكات جول-كولىك وقيعاسىنا ۇشىراسا، وندا زاڭ بويىنشا اتا-انا جاۋاپقا تارتىلادى.
جول-كولىك قوزعالىسىنا قاتىسۋشىلاردىڭ بارلىعى جولدارداعى قاۋىپسىزدىكتى قامتاماسىز ەتۋ ماقساتىندا اتا-انالارعا قوسىمشالاردا تىركەلۋ ءۇشىن بانك كارتالارىنىڭ دەرەكتەرىن بەرۋ جانە كامەلەتكە تولماعان بالالاردىڭ ەلەكتر سكۋتەرلەردە جۇرۋىنە جول بەرىلمەۋى ءتيىس.
الماتى قالاسى قالالىق موبيلدىلىك باسقارماسى