سوتقا دەيىنگى تەرگەۋ ءجۇرىپ جاتىر.
تالدىقورعاندا Q-net قارجى پيراميداسىن قۇردى جانە ونى باسقاردى دەگەن كۇدىككە ىلىنگەن ازاماتقا قاتىستى تەرگەۋدى قارجىلىق مونيتورينگ اگەنتتىگىنىڭ جەتىسۋ وبلىسى بويىنشا دەپارتامەنتى باستادى، دەپ حابارلايدى Almaty-akshamy.kz
اگەنتتىك اقپاراتىنشا، 2018-2020 جىلدار ارالىعىندا قارجى پيراميداسىنىڭ قىزمەتىنە 231 ادام تارتىلىپ، 220 ملن تەڭگەدەن استام اقشا سالعان.
سوت كۇدىكتىگە قاتىستى "قاماۋ" تۇرىندەگى بۇلتارتپاۋ شاراسىنا سانكسيا بەردى.
سوتقا دەيىنگى تەرگەۋ جالعاسۋدا. قپك 201-بابىنا سايكەس وزگە دە مالىمەتتەر جاريا ەتىلمەيدى.
قما كونستيتۋسيانىڭ 77-بابى 3-تارماعى 1-تارماقشاسىنا جانە قىلمىستىق-پروسەستىك كودەكسىنىڭ 19-بابى 1-بولىگىنە سايكەس، قىلمىس جاساعانى سوتتىڭ زاڭدى كۇشىنە ەنگەن ۇكىمىمەن دالەلدەنبەگەنگە دەيىن اركىم كىناسىز دەپ ەسەپتەلەتىنىن ەسكە سالدى.