الماتى جەو-ىن جاڭعىرتۋ جۇمىستارى ءجۇرىپ جاتىر

الماتى قالاسىنداعى جەو ارنالعان گاز ينفراقۇرىلىمىنىڭ قۇرىلىسى جوسپارعا سايكەس جۇرۋدە

«QazaqGaz» ۇك» اق باسقارما ءتوراعاسىنىڭ ورىنباسارى مەيىربەك يحسانوۆ پەن «ينتەرگاز ورتالىق ازيا» اق باس ديرەكتورى ماناس تاسىبايەۆ الماتىدا جەو-2 جانە جەو-3-تە گاز قۇبىرى ينفراقۇرىلىمىن سالۋ بارىسىن تەكسەردى، دەپ حابارلايدى اlmaty-akshamy.kz «QazaqGaz» ۇك» اق باسپا ءسوز قىزمەتىنە سىلتەمە جاساپ.

 «QazaqGaz» ۇك» اق ەنشىلەس كومپانياسى «ينتەرگاز ورتالىق ازيا» اق-نىڭ الماتى جەو-نى گازعا اۋىستىرۋ جونىندەگى مەملەكەت باسشىسىنىڭ تاپسىرماسىنا سايكەس، ەكى اۆتوماتتى گاز تاراتۋ ستانسياسىنىڭ قۇرىلىسى باستادى. اگتس ونىمدىلىگى 250 جانە تيىسىنشە 150 مىڭ م3/ساع قۇرايدى. بۇدان باسقا، قۋاتتىلىعى ساعاتىنا 1000 مىڭ م3 «الماتى-بايسەركە-تالعار» جانە «قازاقستان-قىتاي» ماگيسترالدىق گاز قۇبىرلارى اراسىندا TIP-04 گاز جالعاستىرۋ قۇبىرىن سالۋ جۇزەگە اسىرىلۋدا.

«تابيعي گازدى بەرۋدىڭ قوسىمشا كوزى ودان ءارى ەنەرگەتيكالىق قاۋىپسىزدىكتى ۇستاپ تۇرۋعا جانە الماتى وبلىسى بويىنشا ونىڭ ىشىندە جەو-2 جانە جەو-3 گازداندىرۋدى ەسكەرە وتىرىپ، الماتى ەنەرگوكەشەنى ءۇشىن گازدى سەنىمدى جانە ۇزدىكسىز تاسىمالداۋدى قامتاماسىز ەتۋگە مۇمكىندىك بەرەدى»، - دەدى مەيىربەك يحسانوۆ.

جوبالىق قۇجاتتاماعا سايكەس، مەردىگەر ۇيىمدار قاجەتتى جابدىققا تولىق تاپسىرىس بەرىپ، ونىڭ مەرزىمىندە جەتكىزىلۋى كۇتىلۋدە. اگتس جانە TIP-04 گاز جالعاستىرۋ قۇبىرىن سالۋدى اياقتاۋ 2023 جىلعى جەلتوقسان ايىنىڭ سوڭىنا جوسپارلانعان.

جوبانى ىسكە اسىرۋ الماتى قالاسى مەن ونىڭ ماڭىنداعى اۋانىڭ لاستانۋىن ازايتۋ ەسەبىنەن ادامداردىڭ ءومىر ءسۇرۋ ساپاسىن جاقسارتادى، سونداي-اق ءوسىپ كەلە جاتقان ەنەرگيا تۇتىنۋدى وتەيدى دەپ كۇتىلۋدە.

«قورشاعان ورتاعا اسەرىن بارىنشا ازايتا وتىرىپ، الماتى جەو-ىن جاڭعىرتۋ» جوباسى «سامۇرىق-ەنەرگو» اق باسشىلىعىمەن ىسكە اسىرىلۋدا. ءوز كەزەگىندە QazaqGaz، گاز ينفراقۇرىلىمىنىڭ قۇرىلىسىمەن اينالىسىپ جاتىر.