ول تۋرالى ماجىلىستە دوڭگەلەك ۇستەل بارىسىندا ايتىلدى.
ءماجىلىس دەپۋتاتى قازىبەك الىشيەۆ جىلقى ەتىن تۇتىنۋشىلاردىڭ ۇلەسى جىلدان-جىلعا ارتىپ كەلە جاتقانىن ايتىپ، نەگە ول الەۋمەتتىك ماڭىزى بار تاۋارلاردىڭ تىزبەسىنە قوسىلماي كەلە جاتقانىن سۇرادى، دەپ حابارلايدى aqshamnews.kz.
بۇل سۇراققا ساۋدا جانە ينتەگراسيا ۆيسە-مينيسترى جانەل كۇشىكوۆا جاۋاپ بەردى.
— ەشقانداي كەدەرگى جوق. ءبىز ول ۇسىنىستى قارايىق. ونداي ماسەلە وسىعان دەيىن كوتەرىلگەن جوق. الەۋمەتتىك ماڭىزى بار تاۋارلاردىڭ ءتىزىمى باياعىدان ەل ىشىندە جوعارى قولدانىسقا يە ونىمدەردەن جاساقتالىپ، قالىپتاسقان. ءبىز ونى كەزەڭ-كەزەڭ سايىن قاراپ وتىرامىز. ول تاۋارلاردىڭ باعاسى قول جەتەرلىكتەي بولۋ كەرەك، — دەدى جانەل كۇشىكوۆا.