ەلىمىزدە 2019 جىلدان باستاپ 1 ملن-نان استام وقۋشى ورنىنا ارنالعان 1200 جاڭا مەكتەپ قولدانىسقا بەرىلدى، دەپ حابارلايدى aqshamnews.kz.
وقۋ-اعارتۋ مينيسترلىگىنىڭ مالىمەتىنشە، 2023، 2024 جىلدارى قۇرىلىس ەرەكشە قارقىندى بولدى. بۇل كەزەڭدە مەملەكەت باسشىسىنىڭ تاپسىرماسىمەن 510 مىڭ ورىنعا ارنالعان 422 مەكتەپ سالىنعان بولاتىن.
بۇل قۇرىلىس جۇمىستارى ەلىمىزدە 100-گە جۋىق ءۇش اۋىسىمدى مەكتەپتى عانا ەمەس، 200-دەن استام مەكتەپتەردە ورىن تاپشىلىعىن جويۋعا مۇمكىندىك بەردى.
سونىڭ ىشىندە «جايلى مەكتەپ» ۇلتتىق جوباسى اياسىندا جاڭا فورماتتاعى مەكتەپتەر سالۋعا باسىمدىق بەرىلۋدە. 2024 جىلدىڭ قورىتىندىسى بويىنشا 105 جايلى مەكتەپ بەرىلدى، 2025 جىلدىڭ سوڭىنا دەيىن تاعى 112 مەكتەپتىڭ قۇرىلىسىن اياقتاۋ جوسپارلانۋدا.
سونىمەن قاتار ءبىلىم بەرۋ ينفراقۇرىلىمىن قولداۋ قورى ارقىلى 61 مەكتەپتىڭ قۇرىلىسى قارجىلاندىرىلدى، ونىڭ اياسىندا تاعى 28 ءبىلىم ورداسىن سالۋ جوسپارلانۋدا.
ءبىلىم بەرۋ ۇيىمدارىنىڭ ينفراقۇرىلىمىن جاقسارتۋدىڭ ءۇشىنشى باعىتى - جىل سايىن 1000 اۋىلدىق مەكتەپتى جاڭعىرتۋ، سونداي-اق قولدانىستاعى مەكتەپتەردى كۇردەلى جوندەۋ، زاماناۋي پاندىك كابينەتتەرمەن جابدىقتاۋ جۇرگىزىلۋدە.
«مەكتەپ ينفراقۇرىلىمىن كەشەندى دامىتۋ ءبىلىم بەرۋ ءۇشىن جايلى جاعداي جاساۋعا جانە بارلىق بالا ءۇشىن تۇرعىلىقتى جەرىنە قاراماستان ساپالى بىلىمگە تەڭ قولجەتىمدىلىكتى قامتاماسىز ەتۋگە باعىتتالعان. جۇيەلى شارالاردىڭ ارقاسىندا ەكى جىل ىشىندە ءۇشاۋىسىمدى مەكتەپتەردىڭ سانى ءۇش ەسەگە قىسقاردى»، - دەيدى ينفراقۇرىلىمدى دامىتۋ دەپارتامەنتى ديرەكتورىنىڭ ورىنباسارى روزا سەمبايەۆا.
كەلەسى كەزەڭدە مەكتەپتەردىڭ ينفراقۇرىلىمىن ءبىرىڭعاي زاماناۋي فورماتقا كوشىرۋ بويىنشا جۇمىستار جۇرگىزىلۋدە. پرەزيدەنتتىڭ تاپسىرماسىنا سايكەس، الداعى ءۇش جىل ىشىندە ەلىمىزدىڭ بارلىق وڭىرىندە 1300-گە جۋىق مەكتەپتى رەنوۆاسيالاۋ جوسپارلانۋدا.