بۇل 280 ورىندىق بالاباقشا بولادى.
ۇستىمىزدەگى جىلدىڭ سوڭىنا دەيىن الماتى قالاسىنداعى جەتىسۋ اۋدانىندا جاڭا بالاباقشا اشىلادى. بۇل تۋرالى قالا اكىمى ەربولات دوسايەۆ وسى اۋدان تۇرعىندارىمەن بولعان كەزدەسۋ بارىسىندا ايتتى، دەپ حابارلايدى Almaty-akshamy.kz.
«جىل سوڭىنا دەيىن راتۋشنىي كوشەسىندە 280 ورىندىق بالاباقشا اشىلادى. اكىمدىك بۇرىنعى بالاباقشا عيماراتىن بىلتىر ساتىپ العان»، - دەدى اكىم كەزدەسۋ بارىسىندا.
ەربولات دوسايەۆتىڭ ايتۋىنشا، مەكتەپتەردە تاپشىلىق 1600 ورىندى، ال الماتى بويىنشا 19 600 ورىندى قۇرايدى. ماسەلەنى شەشۋ ءۇشىن بيىل 800 ورىنعا ەسەپتەلگەن مەكتەپتەرگە جاپسارلاس 3 عيماراتتىڭ قۇرىلىسى باستالادى.
"اينابۇلاق-4" شاعىناۋدانىندا مەكتەپكە دەيىنگى بالالاردىڭ ورىن تاپشىلىعىن قىسقارتۋ ءۇشىن 160 ورىندىق بالاباقشا سالىنۋدا. قۇرىلىس جۇمىستارى كەلەسى جىلى اياقتالادى.
"كەمەل"، "اينابۇلاق" جانە "قۇلاگەر" شاعىناۋداندارىندا ءۇش دەنە شىنىقتىرۋ-ساۋىقتىرۋ كەشەندەرىنىڭ قۇرىلىسى اياقتالۋدا. اشىلعاننان كەيىن بالالارعا ارنالعان سپورت سەكسيالارى تەگىن بولادى.