«ۆەچەرنيي اlmaty» گازەتىنىڭ 85 جىلدىعىنا ارنالعان كىتاپتىڭ تۇساۋكەسەر ءراسىمى ءوتتى
ءال-فارابي اتىنداعى قازاق ۇلتتىق ۋنيۆەرسيتەتىنىڭ جۋرناليستيكا فاكۋلتەتىندە قازاقستان جۋرناليستەر وداعىنىڭ بولىمشەسى اشىلدى. العاشقى ءسوز كەزەگىن ق ر جۋرناليستەر وداعىنىڭ ءتوراعاسى سەيىتقازى ماتاي ۇلى الىپ، جينالعان كوپشىلىكتى وسىناۋ قۋانىشتى مەرەكەلى كۇنمەن قۇتتىقتادى.
– بۇل قاراشاڭىراق قولىنا قالام ۇستاعان بارلىق اقپارات سالاسى قىزمەتكەرلەرىنىڭ تۋعان ءۇيى ىسپەتتى. ءبارىمىز وسى جەردەن تۇلەپ ۇشتىق. قيىن دا قىزىق سالانىڭ الىپپەسىن وقىپ، ۇيرەندىك. بۇگىن مەن دە، سىزدەر سياقتى ۇشقان ۇياما ۇلكەن تولعانىسپەن، قۋانىشپەن كەلىپ تۇرمىن. ەلىمىزگە بەلگىلى جۋرناليستيكا سالاسىنىڭ ناعىز مايتالماندارى وسىندا باس قوسىپ وتىر. جۋرناليستەر وداعىنىڭ ەلىمىز بويىنشا بەس جۇزدەن استام مۇشەسى بولسا، ءوزىمىزدىڭ تۋعان فاكۋلتەتىمىزدەن ق ر جۋرناليستەر وداعىنىڭ بولىمشەسىن اشۋدى كوپتەن بەرى ارمانداپ كەلگەن ەدىم. بۇگىن ءساتى كەلگەن سىڭايلى، – دەگەن وداق ءتوراعاسى ەلىمىزدىڭ باسقا وڭىرلەرىندە دە مۇنداي بولىمشەلەردىڭ اشىلاتىنىن جەتكىزدى.
ءسوز كەزەگىن العان قازاق ۇلتتىق ۋنيۆەرسيتەتىنىڭ پرورەكتورى ءاليا ءماسالىموۆا وقۋ ورداسىندا «ءتورتىنشى بيلىك» بولىمشەسىنىڭ اشىلۋىنا بايلانىستى جوعارى وقۋ ورنى رەكتورىنىڭ قۇتتىقتاۋىن جەتكىزدى. سودان كەيىن قازاقستان جۋرناليستەر وداعى مەن قازاق ۇلتتىق ۋنيۆەرسيتەتى اراسىنداعى ىنتىماقتاستىق تۋرالى مەموراندۋمعا قول قويىلدى. وسىدان سوڭ شاراعا قاتىسۋشىلار ۋنيۆەرسيتەتتە اشىلعان بەلگىلى كوسەمسوز شەبەرى جۇمابەك كەنجالين اتىنداعى ءدارىسحاناعا جينالىپ، ءدال وسى قۋانىش اياسىندا تانىمال قوعام جانە مەملەكەت قايراتكەرى، جازۋشى-جۋرناليست ساعىمباي قاباش ۇلى قوزىبايەۆتىڭ مىڭ جاساعان شاھاردىڭ شەجىرەسىنە اينالعان «ۆەچەرنيي اlmaty» گازەتىنىڭ 85 جىلدىعىنا وراي شىعارعان «مويا ۆەچەركا» جاڭا كىتابىنىڭ تۇساۋكەسەر ءراسىمىن جاسادى.
ءراسىم بارىسىندا شاھار شەجىرەسىنە اينالعان «مويا ۆەچەركا» كىتابىنىڭ جارىققا شىعۋىنا ۇيىتقى بولعان «Alataý Aqparat» جاۋاپكەرشىلىگى شەكتەۋلى سەرىكتەستىگىنىڭ باس ديرەكتورى تولەمىس باقتىباي ۇلى كۇلمۇحامەدوۆ قازاقستان جۋرناليستەر وداعىنىڭ التىن مەدالىمەن ماراپاتتالدى