كولىك مينيسترلىگى ءۇاااج-ىن (ۇلكەن الماتى اينالما اۆتوموبيل جولى) پايدالانعانى ءۇشىن تولەم جاساماعاندارعا قانداي شارالار قولدانىلاتىنىن مالىمدەدى، دەپ حابارلايدى aqshamnews.kz
بۇعان دەيىن جۇرگىزۋشىلەردىڭ اقىلى الماتى اۆتوبانىن پايدالانعانى ءۇشىن 3 ميلليارد تەڭگەدەن استام قارىزى بار ەكەنى تۋرالى حابارلانعان بولاتىن. ءۇاااج ارقىلى ءوتۋ ءۇشىن تولەم بويىنشا قارىزدار نەگىزىنەن جەڭىل اۆتوكولىك يەلەرىنە تيەسىلى.
ايتا كەتەيىك، ءۇاااج اقىلى اۆتوجولىن پايدالانعانى ءۇشىن تولەمدى جولدان وتكەننەن كەيىنگى جەتى كۇن ىشىندە تولەۋگە بولادى. الدىمەن پايدالانۋشىلارعا بانك قوسىمشالارىندا ءۇاااج ارقىلى ءوتۋ ءۇشىن قارىزدىڭ بار ەكەندىگى جانە ونى وتەۋ قاجەتتىلىگى تۋرالى حابارلامالار جىبەرىلەدى. سودان كەيىن ءتيىستى ورگان تاراپىنان ايىپپۇلدار سالىنادى. سونىمەن قاتار، تولەم جاساماعاندارعا قازاقستان رەسپۋبليكاسىنان شىعۋعا شەكتەۋ قويىلۋى مۇمكىن.
مينيسترلىك جۇرگىزۋشىلەرگە ءۇاااج -تى پايدالانعانى ءۇشىن تولەم جاساماسا، نە بولاتىنىن ەسكە سالدى.
«قارىز قازاقستان رەسپۋبليكاسىنىڭ زاڭناماسىنا سايكەس پايدالانۋشىلاردان ءوندىرىلىپ الىنادى. اقىلى اۆتوموبيل جولدارىمەن ءوتۋ ءۇشىن تولەمدى ۋاقىتىندا تولەمەگەن جاعدايدا، قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن اكىمشىلىك ءىس قوزعالاتىن بولادى جانە ايىپپۇل سالىنادى. سونىمەن قاتار، ءۇاااج ارقىلى ءوتۋ ءۇشىن قارىزى بار پايدالانۋشىلارعا قازاقستان رەسپۋبليكاسى شەكاراسىنان اۆتوكولىكپەن وتۋگە تىيىم سالۋ كوزدەلگەن،» - دەپ حابارلادى كولىك مينيسترلىگى.