بيىل Junior Eurovision-2021 پاريجدە وتەدى
العاش رەت Junior Eurovision-2021 ءان بايقاۋىنىڭ ۇلتتىق ىرىكتەۋىنىڭ فينالىندا ەكى قاتىسۋشى جەڭىمپاز اتاندى. فينالدا بەكنۇر جانىبەك ۇلى جانە ءالينۇر حامزين بىردەي 30،5 پايىز داۋىس جينادى. ەندى تالانتتى ورىنداۋشىلار 19 جەلتوقسان كۇنى پاريجدە وتەتىن حالىقارالىق بايقاۋدا «ەرتەگى الەمى» انىمەن قازاقستاننىڭ اتىنان ونەر كورسەتەدى. بۇل تۋرالى Almaty-akshamy.kz قازاقپارات اگەنتتىگىنە سىلتەمە جاساپ حابارلايدى.
ۇلتتىق ىرىكتەۋ جەڭىمپازدارى قازىلار القاسىنىڭ باعالاۋى جانە تەلەكورەرمەندەردىڭ SMS-داۋىس بەرۋ ناتيجەلەرى بويىنشا انىقتالدى.
ۇلتتىق ىرىكتەۋ كونسەرتىنىڭ تىكەلەي كورسەتىلىمى بۇگىن «حابار» تەلەارناسىنىڭ ەفيرىندە ءوتتى. 10 فيناليست تانىمال قازاقستاندىق كومپوزيتورلاردىڭ ارنايى جازىلعان اۆتورلىق اندەرىمەن ونەر كورسەتتى.
پاريجدە وتەتىن 19-شى Junior Eurovision Song Contest بالالار ءان بايقاۋىنا 19 ەل قاتىسادى. ولار: البانيا، ارمەنيا، ازەربايجان، بولگاريا، فرانسيا، گرۋزيا، گەرمانيا، يرلانديا، يتاليا، قازاقستان، مالتا، نيدەرلاندى، سولتۇستىك ماكەدونيا، پولشا، پورتۋگاليا، رەسەي، سەربيا، يسپانيا جانە ۋكراينا.