جۇمىسسىز جاستار مەملەكەتتىك گرانتتىڭ يەسى اتاندى

جۇمىسپەن قامتىلماعان جاستارعا ارنالعان «اكسەلەراتور» جوباسىنىڭ 50 قاتىسۋشىسى ءوز جوبالارىن ىسكە اسىرۋعا مەملەكەتتىك گرانتتار الدى

الماتى قالاسى اكىمدىگىنىڭ قولداۋىمەن اعىمداعى جىلدىڭ 9 جەلتوقسانىندا «Almaty Resort» شيپاجايىندا جۇمىسسىز جاستارعا ارنالعان «Jas Camp Almaty» جاستار لاگەرى – «اكسەلەراتور» جوباسىنىڭ ەلۋ فيناليسىنە 1 ملن. تەڭگە كولەمىندە مەملەكەتتىك گرانتتار سالتاناتتى تۇردە تابىس ەتىلدى، دەپ حابارلايدى اlmaty-akshamy.kz.

بۇل جوبا بيزنەستى باسقارۋ سالاسىندا جاڭا ءبىلىم الۋ ارقىلى، جوبالاردىڭ ءوسۋىن جانە ولاردى ىسكە اسىرۋ ءۇشىن قاجەتتى رەسۋرستاردى تابۋ ارقىلى قالانىڭ جۇمىسپەن قامتىلماعان جاستارىن قولداۋعا باعىتتالعان.

اتالعان ءىس-شارانى ۇيىمداستىرۋشى - «الماتى قالاسى جاستار ساياساتى باسقارماسى كمم.

جوباعا 1000-عا جۋىق «جۇمىسسىز» مارتەبەسىندە تىركەلگەن جاستار قاتىستى، ولاردىڭ 100ء-ى 5 كۇن ىشىندە «Almaty Resort» كەشەنىنىڭ بازاسىندا بىلىكتى تالىمگەرلەر مەن جاتتىقتىرۋشىلاردان شەبەرلىك ساعاتىنان ءوتتى. وقىتۋ بارىسىندا جاڭا باستاعان كاسىپكەرلەرگە قاجەتتى داعدىلار مەن كاسىپتەردى ۇيرەنۋگە، قوعامداعى تاۋەلسىز ومىرگە بەيىمدەلۋگە جانە ءوزىن-وزى جۇزەگە اسىرۋعا پايدالى داعدىلاردى يگەرۋگە ەرەكشە نازار اۋدارىلدى.

بايقاۋ نەگىزىندە 50 جاس ءوز يدەيالارىن جۇزەگە اسىرۋ ءۇشىن گرانت الدى.