وتىنىشتەر نوپىرىمەن جۇيەلى جۇمىس ۇيىمداستىرۋ قاجەت.
پرەزيدەنت قاسىم-جومارت توقايەۆ ۇكىمەتتىڭ كەڭەيتىلگەن وتىرىسىندا مەملەكەتتىك ورگانداردىڭ الەۋمەتتىك مەديانى جەكە باسىنىڭ قامىنا پايدالانۋ ارەكەتتەرىنىڭ جەتەگىندە كەتەتىنىن سىنادى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«تاعى ءبىر ماڭىزدى ماسەلە. كەلىپ تۇسكەن وتىنىشتەر نوپىرىمەن جۇيەلى جۇمىس ۇيىمداستىرۋ قاجەت. بيىل عانا مەملەكەتتىك ورگاندارعا ناقتى پروبلەمالار مەن ادامداردىڭ تىلەكتەرى ايتىلعان ميلليوننان استام ءوتىنىش كەلىپ ءتۇستى. مەملەكەتتىك ورگاندارعا ءوتىنىش بەرۋدى جەڭىلدەتۋ ءۇشىن «E-Otinish» جۇيەسى ىسكە قوسىلدى.
تالداۋ كورسەتكەندەي، ازاماتتار ءوز سۇراقتارىنا جاۋاپ تابا الماي، پرەزيدەنت اكىمشىلىگىنە جازۋعا ءماجبۇر. كوبى «جەرگىلىكتى بيلىك حالىقتى ەستىگىسى كەلمەيدى، پرەزيدەنتتىڭ ساياساتىنا سابوتاج جاسايدى» دەپ ەسەپتەيدى. سوندىقتان بۇكىل مەملەكەتتىك ورگاندار وتىنىشتەرمەن اسقان جاۋاپكەرشىلىكپەن جۇمىس ىستەۋگە ءتيىس»، - دەدى پرەزيدەنت.
«حالىق ۇنىنە قۇلاق اساتىن مەملەكەت» تۇجىرىمداماسىن ىسكە اسىرۋ ءۇشىن ەڭ اۋەلى مەملەكەت پەن قوعام اراسىندا جۇيەلى بايلانىس ورناتۋ كەرەكتىگىن ەسكە سالدى.«مەملەكەت جۇيەلىك ماسەلەلەردى شەشىپ، سيگنالدارعا ءتيىمدى جاۋاپ بەرۋى كەرەك. كوپتەگەن ادامدار الەۋمەتتىك مەديانىڭ الەۋەتىن وزدەرىنىڭ جەكە مۇددەلەرى ءۇشىن پايدالانادى.وكىنىشكە قاراي، مەملەكەتتىك ورگاندار سوىنڭ جەتەگىندە كەتىپ جاتادى. بۇل كوبىنەسە قولدا بار رەسۋرستاردى ۇتىمسىز پايدالانۋعا اكەلەدى. بۇل رەتتە تۋىنداعان پروبلەمالار شەشىلمەيدى»، - دەدى قاسىم-جومارت توقايەۆ.