جەلتوقسان كوتەرىلىسىنە ارنالعان كىتاپ جارىق كوردى
«جەرۇيىق» قوعامدىق بىرلەستىگىنىڭ ۇيىمداستىرۋىمەن ق ر پرەزيدەنتىنىڭ ب ا ق سالاسىنداعى سىيلىعىنىڭ لاۋرەاتى، مەملەكەتتىك «دارىن» جاستار سىيلىعى مەن قازاقستان جاستار وداعى سىيلىعىنىڭ يەگەرى، ق ر مادەنيەت قايراتكەرى، الاشتانۋشى عالىم، پۋبليسيست، فيلوسوفيا عىلىمدارىنىڭ كانديداتى بولاتبەك تولەپبەرگەننىڭ «ازاتتىق اڭساعان» اتتى كىتابىنىڭ تۇساۋكەسەرى ءوتتى، دەپ حابارلايدى اlmaty-akshamy.kz.
اۆتور «ازاتتىق اڭساعان» دەرەكتى حيكاياتىندا 1986 جىلعى الماتى قالاسىنداعى جەلتوقسان كوتەرىلىسىن ۇيىمداستىرۋشىلاردىڭ ءبىرى - قۇرمانعازى ايتمۇرزايەۆ تۋراسىندا وي تولعايدى. سول كەزدەگى الماتى قالاسىنداعى تەاتر جانە كوركەمسۋرەت ينستيتۋتىنىڭ ستۋدەنتى قۇرمانعازى ايتمۇرزايەۆتىڭ كەزىندە رەپرەسسياعا ۇشىراعان اتاسى تۋراسىندا، ءوزىنىڭ دوستارىمەن بىرگە جەلتوقسان كوتەرىلىسىن تىكەلەي ۇيىمداستىرىپ، تۇرمەنىڭ كەرمەك ءدامىن تاتقانى جايىندا جانە ودان كەيىنگى كەزدە ازاماتتىق ۇستانىمىن كورسەتكەن قايسار ازاماتتىڭ تاعدىرى تۋرالى سىر شەرتەدى. سونداي-اق اۆتور جەلتوقسان كوتەرىلىسىنە قاتىستى ماعلۇماتتاردى دا ناقتى دەرەكتەرمەن دايەكتەيدى، جەلتوقساندىق قاhارمان كەيىپكەرىنىڭ بولمىسىن اشۋعا ۇمتىلا وتىرىپ، جەلتوقسان كوتەرىلىسىنىڭ بەيمالىم قىرلارىن باياندايدى.
ەڭبەك جالپى تاريحشىلارعا، رەپرەسسيا تاقىرىبىنا، جەلتوقسان كوتەرىلىسىنە قىزىعۋشىلىق تانىتقان بارشا وقىرمانعا، قالىڭ قاۋىمعا، جاستارعا، جوعارى وقۋ ورىندارىنىڭ ستۋدەنتتەرىنە ارنالعان. اۆتور تاريحي اقتاڭداقتار ماسەلەسىن بۇگىنگى كوزقاراس تۇرعىسىنان ءجىتى سارالاعان، جەتە زەرتتەگەن. كىتاپ كەيىپكەرىنىڭ تاعدىر تالايى مەن تاعىلىمىنان جۇرتشىلىققا، اسىرەسە جاستارعا الار ءتالىم جەتەرلىك. كىتاپ قاراپايىم تىلمەن جازىلعان.